Digeriñ al lañser pennañ

An anvAozañ

Un anv brezhonek a orin eo anv ar gumun. Savet eo diwar ple, deuet eus plouef, ha Sei, anv un den, marteze ur sant, Sei pe Seog. Meur a gêriadenn a zo er gumun gant an anv "Sei" : Tresei, Lann-Sei… En 854 en ur skrid latin eus kartular Redon ez eus anv eus Plebs que dicitur Sei, meneget evel parrez vrezhonek.

DouaroniezhAozañ

  • Plesei a zo unan ag ar c'humunioù brasañ a zo el Liger Atlantel, kement ha Pariz eo, gant 10 400 hektar. Teir bourc'h a zo enni : Plesei, Le DEresny, Le Coudray.
  • Ar stêr Izar a dreuz ar gumun.

IstorAozañ

E fin an IXvet kantved ha deroù an Xvet kantved e oa bet Alan Iañ o chom e Plesei, e kastell Sei war ribl ar stêr Izar. Nend eo ket mui ar c'hastell anezhañ avat. E penn kentañ an XIXvet kantved e veze gwelet e roudoù war ar parkeier c'hoazh.

Alan I a oa roue Breizh, trec'het ar Vikinged gantañ e Kistreberzh.

Lavaret e vez eo bet ar mare-se "oad aour" Plesei. Pezh a zo gwir a-walc'h. Evel-se Alan I, e vibien Budig ha Derrien hag e goskor o deus degemeret Eudes, Roue Bro C'hall e kastell Sei.

Hervez istorourion zo, ez eus bet ur villa roman hag ur c'hreñvlec'h galian kent bout adsavet gant ar roue.

Pa voe savet an hent bras etre Gwenred ha Plesei e penn kentañ an XIXvet kantved ez eus bet dizoloet bezioù ag ar Grennamzer uhelañ.

Hervez ur vojenn ez eus ur c'haridenn etre pezh a oa ar c'hastell hag un tour e Gwenvenez-Penfaou...

War an dorgenn el lec'h ma oa ar c'hastell gwezharall emañ kêriadenn "Sant Kler" hiziv an deiz. Sant Kler a zo ur Sant a bouez er barrez. Ur chapel a oa er gêriadenn betek he distruj e-pad an Eil brezel bed. Pont Sant Kler a zo bet distrujet ganti ivez.

War-lerc'h eo bet ar gumun dindan beli familh Roc'han a Vlaen.

Er XIVvet kantved e voe savet un aluzendi Sant Armel er Rozay gant Arzhur II.

Kendirvi LalokanAozañ

Meneget eo ar barrez en diellevr Redon, e 854: Kovellig ha Brithael, kendirvi Lalokan o doe galvet ar mac'htiern Houarnskoed (Hoiarnscoit) evit bout e penn kêriadenn "Treb-Hinoi" a oa da Lalokan kent e varv. E Sarant (Gwenvenez-Penfaou) eo bet ar varn gant menec'h Redon[2].

Dispac'h GallAozañ

XXvet kantvedAozañ

Brezel-bed kentañAozañ

  • 238 gwaz ag ar gumun a gollas o buhez abalamour d'ar brezel, d.l.e. 4,38 % eus he foblañs e 1911 [4].

XXIvet kantvedAozañ

TudAozañ

GladAozañ

  • Iliz katolik Sant Pêr Plesei (1875),
  • Chapel ar Plessis, (XVvet),
  • Chapel Karheil,
  • Maner ar "chêne vert" (XVII-XVIII), an aotrou Tregwel e oa e berc'henn,
  • Meur a fetan "hud", en Draeneg hag e Sant Kler (a bare poan an daoulagad),
  • Kastell Karheil, distrujet eo bet e pad an Eil brezel-bed gant ar bombezadegoù.

Ur bochad kestell a zo er gumun :

  • Kastell Koed-Dan,
  • Kastell "l'Epinay",
  • Kastell Buhel,
  • Kastell "Sein des bois",
  • Kastell Boduan ...

Ha Peulvan "dent Gargantua" etre Lann-Sei ha Sant Kler. Hervez ar sorbienn e oa kouezhet ar peulvan diouzh botez Gargantua ha flastret en doa ur pesketaer hag a oa dindanañ.

YezhoùAozañ

Emañ Plesei e Bro C'hallo, komzet e vez gallaoueg er gumun eta.

Ar brezhoneg a zo bet komzet ivez gant tud Plesei gwezharall, ur bochad anvioù-lec'h brezhonek a zo er gumun, muioc'h ag 20% hervez labour Jean Yves Le Moing. Setu lod anezho: Toulan (toul-lann), Tresé (Tre-Sei), Govelo, Couët-Dan, Hinlès (Hen-lez), Tregouët (Tregoed), Dresny (Draeneg).

Gallout a reer gwelet eo aet Kerguemer (1420) da gCarguemey (1562) etre ar XVvet hag an XVIvet kantved. Ar ger "kêr" aet da "car" a c'hell bout arouez ur cheñch yezh. Ur arouez arall eo "Quélme", n'eo ket aet ar ger-se da "gKalvez". Neuze eo bet kollet ar brezhoneg e Quélmé er XIVvet kantved marteze.

MelestradurezhAozañ

Roll maered ar gumun
Mare Anv Strollad Karg
2008 Bernard Lebeau Divers gauche
1995 2008 Paul Daniel -
N'eo ket anavezet c'hoazh an holl fedoù.

PoblañsouriezhAozañ

abaoe 1962Aozañ

Niver a annezidi

 

etre 1793 ha 2009Aozañ

 

Liammoù diavaezAozañ

Muioc'h a restroù diwar-benn

a vo kavet e Wikimedia Commons.

Dave ha notennoùAozañ