Pontkastell-Keren

Pontkastell-Keren a zo ur gumun a Vreizh e Liger-Atlantel, e su ar vro. Pennlec'h Kanton Pontkastell-Keren eo.

Pontkastell-Keren
Ar porzh-houarn.
Anv gallaouek	Pont-Chastèu
Anv gallek (ofisiel)	Pontchâteau
Bro istorel	Bro-Naoned
Melestradurezh
Departamant	Liger-Atlantel
Arondisamant	Sant-Nazer
Kanton	Pontkastell-Keren (pennlec'h)
Kod kumun	44129
Kod post	44160
Maer Amzer gefridi	Danielle Cornet 2020-2026
Etrekumuniezh	KK Bro Pontkastell-Keren Gweltaz-Lambrizig
Bro velestradurel	hini ebet
Lec'hienn Web	www.pontchateau.fr
Poblañsouriezh
Poblañs	11 249 ann. (2020)
Stankter	202 ann./km²
Douaroniezh
Daveennoù lec'hiañ	47° 26′ 14″ Norzh 2° 05′ 17″ Kornôg
Uhelderioù	kreiz-kêr : 7 m bihanañ 0 m — brasañ 52 m
Gorread	55,79 km²
Pontkastell-Keren

Douaroniezh

Ar stêr Brived a dreuz Pontkastell.

Anv

• Erwan Vallerie (1995) ː Castello de Ponte, XIt; de Ponti Castelli, 1096; Domina de Loqueren dedit prioratui Sancti Martini de Ponte Castri (...), 1274; Pontem Castri, 1287

Ardamezioù

• Brizhet e deir greskenn en gul

Istor

Dispac'h Gall

• Krouet e voe kumun Pontkastell-Keren e 1790 diwar ar barrez katolik. Lakaet e voe da benn Kanton Pontkastell-Keren hag e Bann Gwenrann. E 1800 e voe lakaet en Arondisamant Savenneg.

XX^vet kantved

Brezel-bed kentañ

• Mervel a reas 200 gwaz ag ar gumun abalamour d'ar brezel, da lavaret eo 4,13 % eus he foblañs e 1911.

Eil Brezel-bed

• Mervel a reas 36 den eus ar gumun abalamour d'ar brezel hervez monumant ar re varv.
• D'ar 25 a viz Gouere 1944 e kouezhas un nijerez (Lancaster marilhet PA968 ha kodet VN-S) eus aerlu ar Rouantelezh-Unanet (Royal Air Force) e Pontkastell-Keren; mervel a reas he seizh nijour, douaret e voent e bered ar gumun.

Darvoudoù-sport a bep seurt

• 4 a viz Gouere 1988 : 1añ tennad-hent Tro Bro-C'hall 1988 etre Pontkastell-Keren ha Machikoul ; trec'h eo Steve Bauer (Kanada).

Brezhoneg

• E miz Du 1942 e votas kuzul-kêr Pontkastell evit ma vefe kelennet ar brezhoneg e skolioù publik Breizh-Izel. Gant ar vot-se e diskoueze Pontkastelliz o c'hengred gant al luskad Ar Brezoneg er Skol kaset war-raok gant Yann Fouéré abaoe 1934.

Monumantoù ha traoù heverk

• Monumant ar re varv e-tal an iliz katolik, luc’hskeudennoù. Dioueliet e voe d’an 18 a viz Meurzh 1923.

Bezioù ar C'hommonwealth e bered ar gumun

Bro	Niver a dud
Kanada	5 (Aerlu)
Rouantelezh-Unanet	2 (Aerlu)
Hollad	7

• Nijourion e oant holl. Marvet int e-pad an Eil brezel-bed.

Emdroadur ar boblañs abaoe 1962

Niver a annezidi

Tud liammet ouzh ar gumun

• E Pontkastell e oa ganet an dudenn "Antoine Bloyé" tennet eus ar romant anvet dioutañ ha skrivet gant Paul Nizan (1905-1940).
• Ar filmaozer Jacques Demy (1931-1990) zo genedik eus Pontkastell, al levraoueg a zo bet anvet dioutañ.
• Jean-Bernard Vighetti a oa ganet e Pontkastell e 1943. Stourmet en deus evit ar sevenadur poblek hag an douristelezh e Breizh hag e Bro-Redon, savet en deus an Dolgenn aour ha festival an Tombées de la Nuit e Roazhon. Roet e oa Kolier an Erminig dezhañ e 1999.

Ardamezeg ar familhoù

	du Cellier Aotrounez Crévy	En gul e dreustell en brizh, heuliet gant teir fempdiliaouenn en argant
	Michiel Aotrounez Deffais	En argant e lammell brizhet, karget ouzh kondon gant ur ruilhenn en gul, hag heuliet gant ur steredenn ivez en gul ouzh pep konk

Gevelliñ

Bro	Kêr	Abaoe
Alamagn	Nassau	1975

Gwelout ivez

• Kumunioù Liger-Atlantel

Liammoù diavaez

• Lec'hienn internet ar gumun
• Pontkastell war lec'hienn an IGN
• Istor Pontkastell