Rakgerioù unanennoù an SI

Er Reizhiad unanennoù etrebroadel (Système international d'unités / SI) ez eus rakgerioù a c'hell bezañ lakaet dirak an holl unanennoù evit o lieskementiñ dre c'halloudadoù 10 muiel (10ⁿ) pe leiel (10^-n).

Setu amañ listenn ar rakgerioù a vez erbedet gant an SI hervez Burev Etrebroadel ar Pouezioù hag ar Muzulioù

Galloudoù muiel

Galloudoù leiel

Rakger SI Arouez 10n Lieskementer quetta Q 1030 1 000 000 000 000 000 000 000 000 000 000 ronna R 1027 1 000 000 000 000 000 000 000 000 000 yotta Y 1024 1 000 000 000 000 000 000 000 000 zetta Z 1021 1 000 000 000 000 000 000 000 exa E 1018 1 000 000 000 000 000 000 peta P 1015 1 000 000 000 000 000 tera T 1012 1 000 000 000 000 giga G 109 1 000 000 000 mega M 106 1 000 000 kilo k 103 1 000 hecto h 102 100 deca da 101 10 — — 100 1

Rakger SI Arouez 10-n Lieskementer — — 100 1 deci d 10−1 0,1 centi c 10−2 0,01 milli m 10−3 0,001 micro μ 10−6 0,000001 nano n 10−9 0,000000001 pico p 10−12 0,000000000001 femto f 10−15 0,000000000000001 atto a 10−18 0,000000000000000001 zepto z 10−21 0,000000000000000000001 yocto y 10−24 0,000000000000000000000001 ronto r 10−27 0,000000000000000000000001 quecto q 10−30 0,000000000000000000000001

Skouerioù

Hedoù

• 0,0135 metr = 13,5 x 10^-2 m = 13,5 cm (distaget : kantimetr).

Gorreadoù

• 1 ar (a) = 100 m²  ; 3,8 ha (skrivet : hektar) = 3,8 x 100 x 10² m² = 38 000 m².

Galloudoù

• 0,7 x 10⁶ Watt = 700 000 W = 0,7 MW (megawatt).

Stlenneg

Er stlenneg e reer gant bitoù (bit eo an arouez ; 0 pe 1 eo talvoudegezh ur bit) ha eizhbitoù (pakadoù 8 bit, aroueziet dre B evit diforc'hañ diouzh "b", a vez arveret alies evit aroueziañ ar bit) ; daou ster zo d'an unanennoù-se, hervez ma vuzulier dre niveroù en diaz 10 (10ⁿ) pe en diaz 2 (2ⁿ).

An SI a laka e rakgerioù da dalvezout evit lieskementiñ en diaz 10 hepken ; da skouer, 1 kbit = 10³ bit = 1 000 bit hag 1 MB = 10⁶ eizhbit = 1 000 000 eizhbit (8 000 000 bit). Er stlenneg ne vez implijet rakgerioù an SI nemet pa gomzer eus pakadoù 10ⁿ bit pe 10ⁿ eizhbit, da skouer evit muzuliañ kas ul liamm etre daou ardivink : ul liamm 900 kbit/s a dreuzkas 900 000 bit dre eilenn, unan 900 kB a dreuzkas 7 200 000 bit/s.

En diaz 2 avat eo e vuzulier endalc'h ur bladenn galet pe ment ur restr stlennegel. En degouezh-se e talvez kilo- kement ha 1 024 (2¹⁰) e-lec'h 1 000 (10³). Neuze : 1 kilobit = 1 000 bit en diaz 10 ha 1 024 bit en diaz 2 ; 1 kiloeizhbit = 8 000 bit en diaz 10 ha 8 192 bit en diaz 2.

Evit diskoulmañ ar gudenn-se ez eo bet kinniget gant an International Electrotechnical Commission (IEC), a-gevret gant an SI, erbediñ ur rummad rakgerioù spesadel ouzh ar stlenneg ; kibi- (Ki) eo ar rakger a dalv evit 1 024 : 1 kibibit (Kibi) = 2¹⁰ bit = 1 024¹ bit = 1 024 bit hag 1 kibieizhbit (KiB) = 1 024 eizhbit = 8 192 bit.

• Merkit n'eus ket a rakgerioù leiel (deci ↘ quecto) er stlenneg, peogwir n'eus kementad ebet bihanoc'h eget 1 bit. Ar rakgerioù muiel a implijer adalek kilo d'an izelañ.
• Daoust da erbedadennoù an IEC hag an SI e kendalc'her da vuzuliañ endalc'had ar memorioù dre rakgerioù en diaz 10 : pladennoù kalet 1 TB (terabyte) a vez e kinniget er c'henwerzh, padal e rankfed o envel 1 GiB (gibibyte).