Romain Grosjean

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Ur blenier Formulenn 1 eo Romain Grosjean, bet ganet e 1986 e Geneva, an div-vroadelezh gall ha suis o vezañ dezhañ. Redek a ra gant un aotreegezh gall e Formulenn 1 e 2012 gant ar skipailh Lotus F1 Team. Goude disoc'hoù mat e GP2 e teu er F1 gant Renault F1 Team evit 7 Priz Bras diaes-tre. Erlec'hiet gant Vitaly Petrov e tistro e GP2 evit gounit an titl e 2011.

Romain Grosjean
Romain Grosjean e 2016
Bro	Bro-C'hall  Suis
Deiziadoù	17 a viz Ebrel 1986
Kevezadeg bed ar Formulenn 1
Niverenn	8
Bloavezhioù o redek	2009 Abaoe 2012
Skipailhoù	Renault (2009) Lotus (Abaoe 2012)
Prizioù Bras	45
Trec'hioù	0
Plasoù pol	0
Podiomoù	9
Titloù	N'eus ket

E red-micher

Kirri unplas

Goude ur mare oc'h ober e glasoù e karting e-barzh meur a gevezadeg gall e teu Romain Grosjean da gevezadegoù kirri unplas, gant kevezadeg suis Formulenn Renault 1600, gounezet gantañ adal ar bloavezh kentañ, e 2003. E 2004 e teu da gevezadeg gall Formulenn Renault e lec'h e gounez an titl ar bloaz goude. Goude-se e red gant ar skipailh Signature e kevezadeg Formulenn 3 Euro Series e lec'h e echu 13vet e 2006. E 2007, gant ASM Formule 3 a ya ar maout gantañ goude ur stourm ouzh Sebastien Buemi.

Ar GP2

Ur mare kentañ o kreñvaat

Romain Grosjean e Breizh-Veur e 2008

Tremen a ra e kevezadeg GP2 Series e 2008 gant ar skipailh ART Grand Prix, deverad ar skipailh F3 ASM, a zo da Frederic Vasseur ha Nicolas Todt. Da gentañ e kemer perzh da gevezadeg GP2 Asia Series evit anavezout muioc'h e skipailh hag ar c'harr. Gounit a ra div lodenn ar redadeg gentañ e Dubai. Goude-se e kendalc'h da vestroniañ ar c'hevezadeg gant pevar zrec'h, ha c'hwec'h plas pol. Mont a ra ar maout gantañ div redadeg a-raok ar fin.

Diaesoc'h eo ar c'hevezadeg european, daoust meur a Podiom ha daou trec'h, en abeg da gudennoù teknikel, da skouer e Bro-C'hall e lec'h vez troc'het e geflusker. Reseviñ a ra ivez Grosjean ur c'hastiz drive through e Katalonia pa oa o vezañ e penn ar redadeg abalamour d'un embreg gwelet evel direizh gant ar gomiserien. Echuiñ a ra 4. Erlec'hiet e-barzh ART Grand Prix gant Nico Hülkenberg ha Pastor Maldonado a ya Grosjean da Varwa Addax. Ober a ra un hat trick e Bro-Spagn ha gounit a ra e Monaco evit kemer penn ar c'hevezadeg. Ar redadegoù goude zo diaesoc'h, gant meur a wallzarvoud. Rankout a ra Grosjean reiñ penn ar c'hevezadeg da Nico Hülkenberg. Goude abadenn Hungaria ez eus 15 poent etre an daou zen ha chom a ra 8 abadenn. Ne echuiñ ket Grosjean ar c'hevezadeg peogwir eo bet galvet gant Renault F1 Team evit erlec'hiañ Nelson Piquet jr.

Un eil mare a-benn gounit

Romain Grosjean e Monza e 2011

E 2010, goude ar Formulenn 1 ha goude bezañ deuet da vezañ kampion Auto GP gant DAMS e kemenn Grosjean e zistro e GP2 Series o erlec'hiañ Jerôme d'Ambrosio (DAMS en Alamagn ha goude se kenskipailher d'Ambrosio Ho-Pin Tung adalek abadenn Belgia betek ar fin. Echuiñ a ra 14vet ar c'hevezadeg, daou blas goude Jerôme d'Ambrosio.

Divizout a ra Grosjean da ober un distro e GP2 gant DAMS e 2011. Kregiñ a ra adarre gant ar GP2 Asia Series en ur ober 2 bol hag un trec'h evit gounit c'hoazh ar c'hevezadeg-mañ, 6 poent dirak Jules Bianchi. E penn kevezadeg GP2 emañ Romain Grosjean pa c'hounez ar redadeg kentañ. Kollet eo bet gantañ penn ar c'hevezadeg goude peogwir eo bet diberzhet en eil redadeg, adkavet eo bet gantañ avat e Monaco goude redadegoù dispar daoust ma eo dispartiet evel an hini diwezhañ war ar gael. Goude-se ne vo ket bet kollet ken penn ar c'hevezadeg gantañ, en ur ober pevar trec'h ha c'hwec'h Podiom a-renk. Gounezet eo bet an titl gantañ e Spa-Francorchamps ur redadeg a-raok ar fin. Deuet eo da vat e zistro gantañ daoust ma oa fall goude 2009. En ur ober berzh e adkav fiziañs tud ar Formulenn 1, ha dreist-holl hini Eric Boullier, penn Lotus Renault GP.

Disoc'hoù e kevezadeg GP2

Bloavezh	Skipailh	Niverenn ar redadegoù	Plas pol	Trec'hoù	Podiomoù	Poentoù	Kasiñ
2008	ART Grand Prix	20	1	2	7	62	4
2009	Barwa Addax	12	3	2	3	45	4
2010	DAMS	4	0	0	2	14	14vet
2011	DAMS	18	1	5	10	89	Kampion

Ar Formulenn 1

E-barzh tourmant Renault

Romain Grosjean e Bro-Japan

E 2009 e vez dibabet Grosjean evel trede blenier Renault F1 Team en ur kemer perzh da gevezadeg GP2. E miz Eost eo bet skarzhet kuit eil blenier Renault Nelson Piquet jr hag erlec'hiet eo bet gant Romain Grosjean. Siwazh e erru Grosjean e-barzh ur skipailh tapet en un enkadenn vras gant diskuliadennoù Piquet jr diwar-benn Pris Bras Singapour 2008. Redek a ra e kostez kampion doubl Fernando Alonso hep ober esaeoù a-raok neuze eo diaes an traoù evitañ. Ne verk poent ebet e-pad ar seizh Priz Bras-se.

Un distro gant Lotus

Romain Grosjean gant Lotus e Jerez

D'an 9 a viz Kerzu 2011 e vez anvet Grosjean blenier redadeg e-barzh ar skipailh nevez Lotus F1 Team evit redek e-kostez kampion Kimi Räikkönen. Goude esaeoù goañv mat daoust e oa bet manket pevar deiz abalamour d'ur gudenn kastell-karr e krog ar bloavezh en Aostralia. Kregiñ a ra mat an traoù gantañ peogwir a ra un trede blas war ar gael zisparti d'ar Sadorn. D'ar Sul ne bad ket pell e redadeg peogwir e rank dilezel en abeg d'ur gwallzarvoud gant Pastor Maldonado en eil dro.

Disoc'hoù e kevezadeg bed ar Formulenn 1

Bloavezh	Skipailh	Kastell-karr	Keflusker	Bandennoù-rod	Niverenn ar PB	Plasoù pol	Trec'hioù	Podiomoù	Troioù gwellañ	Poentoù	Klasiñ
2009	Renault F1 Team	R29	Renault V8	Bridgestone	7	0	0	0	0	0	23vet
2012	Lotus F1 Team	E20	Renault V8	Pirelli	19	0	0	3	1	96	8vet
2013	Lotus F1 Team	E21	Renault V8	Pirelli	19	0	0	6	0	132	7vet
2014	Lotus F1 Team	Lotus E22	Ferrari V6 turbo	Pirelli	19	0	0	0	0	8	14vet
2015	Lotus F1 Team	Lotus E23 Hybrid	Ferrari V6 turbo	Pirelli	19	0	0	1	0	51	11vet
2016	Haas F1 Team	Haas VF-16	Ferrari V6 turbo	Pirelli	19	0	0	0	0	29	13vet
2017	Haas F1 Team	Haas VF-17	Ferrari V6 turbo	Pirelli	20	0	0	0	0	28	13vet
2018	Haas F1 Team	Haas VF-18	Ferrari V6 turbo	Pirelli	21	0	0	0	0	37	14vet
2019	Haas F1 Team	Haas VF-19	Ferrari V6 turbo	Pirelli	21	0	0	0	0	8	18vet
2020	Haas F1 Team	Haas VF-20	Ferrari V6 turbo	Pirelli	15	0	0	0	0	2	19vet

24 eurvezh ar Mañs

Disoc'hoù e 24 eurvezh ar Mañs

Bloavezh	Karr	Skipailh	Kenskipailhidi	Disoc'h
2010	Ford GT	Matech Competition	Jonathan Hirshi / Thomas Mutsch	Dilezel
2024	Lamborghini SC63	Lamborghini Iron Lynx	Andrea Caldarelli / Matteo Cairoli	13vet

Stagadenn

Liammoù diavaez

• Lec'hienn ofisiel

---

Kevezadeg bed ar Formulenn 1 e 2023

Red Bull	Ferrari	Mercedes	Alpine	McLaren	Alfa Romeo	Aston Martin	Haas	AlphaTauri	Williams
33 Verstappen 11 Pérez	55 Sainz 16 Leclerc	44 Hamilton 63 Russell	10 Gasly 31 Ocon	4 Norris 81 Piastri	77 Bottas 24 Zhou	14 Alonso 18 Stroll	27 Hülkenberg 20 Magnussen	22 Tsunoda 21 de Vries	23 Albon 2 Sargeant

Porched ar Formulenn 1 – Gwelit ar pennadoù hag ar rummadoù diwar-benn ar Formulenn 1