Sharps (fuzuilh)
Fuzuilhoù Sharps a vez graet eus ur rummad armoù-skoaz deveret eus ar fuzuillh un-tenn ijinet e 1848 gant ar Stadunanad Christian Sharps. O c'hulasenn a veze morailhet gant ur wikefre falling block, da lavaret eo ur bloc'h o kouezhañ a-dreñv da gambr ar gartouchenn, a-drugarez d'ul loc'henn-grogenn[1].
| Fuzuilh Sharps | |
|---|---|
 Ur fuzuilh Sharps Model 1859 implijet e rejimantoù tennerien-resisted Hiram Berdan da vare ar brezel diabarzh er Stadoù-Unanet | |
| Kinnig | |
| Bro |  Stadoù-Unanet Amerika
|
| Doare | Fuzuilh un-tenn |
| Mont en-dro | Karget dre he c'hulasenn, sistem falling block |
| Munisionoù | Kalibroù a bep seurt, en zouez ar .45-70, .50-70 pe .50-90 Sharps |
| Ijiner | Christian Sharps |
| Produer | Sharps Rifle Manufacturing Company |
| Mare produiñ | 1849 - 1881 |
| Skouerennoù produet | Ouzhpenn 120.000 |
| Mare implij | 1850 - 1881 |
| Pouez ha muzulioù | |
| Mas | 4,300 kg |
| Hirder | 1.200 mm |
| Hirder ar c'hanol | 760 mm |
| Perzhioù all | |
| Hed-tenn pleustrek | 910 m |
| Tizh mont e-maez ar boledoù | 370 m/s |
| Lezenn | |
| Rummad e Bro-C'hall | C |
Stummoù hag implij
kemmañStummoù disheñvel eus an arm, dezhe adstummoù lies, a voe produet gant ar Sharps Rifle Manufacturing Company etre 1849 ha 1891. A-wechoù int disheñvel abalamour d'an teknik emorsiñ[1]. Ouzhpenn an arm orin ijinet e 1848 e kaver da skouer :
- ar Model 1851, kemmet evit bezañ produet a-yoc'h aesoc'h ;
- ar Model 1853 ;
- ar Model 1859, implijet gant an daou rejimant tennerien-resisted savet gant Hiram Berdan da vare ar brezel diabarzh[1];
- ar Model 1863, ur stumm karabinenn evit ar marc'hegerezh, berroc'h ;
- ar Model 1874, ar stumm brudetañ ha gwerzhetañ eus an arm, dezhañ an niver uhelañ a galibroù disheñvel. Implijet e voe er brezelioù a-enep d'an Amerindianed, pe etre daouarn chaseourien ar Plaenennoù Bras evel Frank Mayer er bloavezhioù 1870 ha 1880[2], e-lec'h ma servijjont da lazhañ milionoù a vizoned[1].
Paouez a reas produerezh ar fuzuilhoù e 1881 pa reas freuz-stal an embregerezh Sharps. Kopiennoù eus ar Model 1874 a vez gwerzhet gant an embregerezh italian Pedersoli[3] ha gant ar C. Sharps Arms er Montana abaoe 1975[4].
Levrlennadur
kemmañ- SMITH Winston O., The Sharps Rifle : Its History, Development and Operation, W. Morrow & Company, 1943, 138 p.
- BIANCHI Didier, Le Pedersoli Sharps Sporting Rifle, e Cibles n°646, miz Ebrel 2024, pp. 50-54
Daveennoù
kemmañ- ↑ 1,0 1,1 1,2 ha1,3 (fr) McNAB Chris, Armes à feu Encyclopédie visuelle, L'Imprévu, 2022, pp. 114-115
- ↑ (fr) LESPART Michel, Les armes de la conquête de l'Ouest, Jean Dullis Éditeur, 1975, p. 33
- ↑ (en) 1874 & 1877 Sharps war lec'hienn Pedersoli (lennet d'ar 05/10/2024)
- ↑ (en) Lec'hienn ar C. Sharps Arms (lennet d'ar 05/10/2024)
