Sikkim (सिक्किम e nepaleg) zo ur stad vihan eus Unaniezh India, er menezioù Himalaya. En-dro da Sikkim emañ Nepal er c'hornôg, Tibet en hanternoz ha Bhoutan er gevred. Er c'hreisteiz da Sikkim emañ stad Kornôg Bengal (India).

Pelec'h emañ Sikkim en India
Banniel rouantelezh kozh Sikkim

E 2005 e oa 594 056 a annezidi. Bez' eo Sikkim ar stad distankañ he foblañs e-touez holl stadoù India hag ar stad vihanañ eo ivez. Gangtok eo ar gêr-benn hag ar gêr vrasañ.

IstorAozañ

Betek 1975 e oa Sikkim ur rouantelezh dizalc'h diouzh India ha kevreet ganti en un doare laosk. Er bloavezh-se e oa deuet da vezañ an eil stad warn-ugent eus Unaniezh India, goude ur referendom e-mesk an dud.

DouaroniezhAozañ

Ouzh tor an Himalaya emañ Sikkim ha gant se ez eo diseurt-kenañ ar vro, eus janglennoù trovanel ar c'hreisteiz betek menezioù uhel an hanternoz. Kangchenjunga, trede menez uhelañ ar bed, zo e Sikkim.

Yezhoù ha poblañsAozañ

Unnek yezh ofisiel a zo e Sikkim. En tu-hont d'an nepali, zo yezh ofisiel ar stad hag ar yezh eskemm[1], emañ ar bhutia, al lepcha, al limbu, an newari, ar rai, ar gurung, ar mangar, ar sherpa, an tamang hag ar sunwar. Desket e vez saozneg er skolioù ha graet e vez gantañ er skridoù stad ivez.

An hindouegezh hag ar voudaegezh (Vajrayana) eo ar relijionoù pennañ e-touez an dud.

NotennoùAozañ

  1. http://www.tlfq.ulaval.ca/axl/asie/inde-3pol-etats.htm
Stadoù ha tiriadoù India
Stadoù Andhra PradeshArunachal PradeshAsamBiharChhattisgarhGoaGujaratHaryanaHimachal PradeshJammu ha KachmirJharkhandKarnatakaKeralaKornôg BengalMadhya PradeshMaharashtraManipurMeghalayaMizoramNagalandOrisaPanjabRajasthanSikkimTamil NaduTelanganaTripuraUttarakhandUttar Pradesh
Tiriadoù an Unaniezh Inizi Andaman ha NikobarChandigarhDadra ha Nagar HaveliDelhiDaman ha DiuLakshadweepPuducherry