Gujarat (ગુજરાત e goudjarateg, Gujǎrāt, distaget [ɡudʒ(ə)ɾat̪]) zo unan eus stadoù India, e kornôg ar vro-se. Harzoù en deus gant Pakistan er c'hornôg, Rajasthan en hanternoz hag er biz, Madhya Pradesh er reter, ha Maharashtra, Daman ha Diu ha Dadra ha Nagar Haveli er c'hreisteiz.

Gujarat, en Unvaniezh India

Kalz a labouradegoù a zo e Gujarat, ar pezh a ra d'ar stad-se produiñ 19,8% eus marc'hadourezhioù greantel India. Uheloc'h eo ar goproù well-wazh eget e stadoù all India. E 2001 e oa annezet gant ouzhpenn 50 milion a dud.

Gandhinagar eo ar gêr-benn, ur gêr savet a-ratozh, diwar netra, evit bezañ pennlec'h ar stad hag anvet diwar Mahatma Gandhi a oa genidik eus Gujarat. Ahmedabad eo kêr vrasañ ar stad.

Ar goudjarateg (Gujarati) eo yezh ofisiel ar stad. Hag Hindoued eo an darn vrasañ eus an annezidi.

E 1960 e oa bet krouet stad Gujarat evel m'emañ bremañ pa oa bet rannet Stad Mumbai diwar abegoù yezhel. Stad Mumbai hec'h-unan a oa bet savet e 1956 gant douaroù a oa e prezidantelezh Mumbai da vare an drevadennerien saoz.

Banniel India, degemeret d'an 22 Gouere 1947.
Stadoù ha tiriadoù India
Stadoù Andhra PradeshArunachal PradeshAsamBiharChhattisgarhGoaGujaratHaryanaHimachal PradeshJammu ha KachmirJharkhandKarnatakaKeralaKornôg BengalMadhya PradeshMaharashtraManipurMeghalayaMizoramNagalandOrisaPanjabRajasthanSikkimTamil NaduTelanganaTripuraUttarakhandUttar Pradesh
Tiriadoù an Unaniezh Inizi Andaman ha NikobarChandigarhDadra ha Nagar HaveliDelhiDaman ha DiuLakshadweepPuducherry