Trelêvern

Trelêvern a zo ur gumun eus Bro-Dreger e Breizh e departamant Aodoù-an-Arvor.

Trelêvern
Ar vourc'h e penn-kentañ an XXvet kantved.
Anv gallek (ofisiel)	Trélévern
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Lannuon
Kanton	Perroz-Gireg
Kod kumun	22363
Kod post	22660
Maer Amzer gefridi	Yannick Quéguiner 2020-2026
Etrekumuniezh	Lannuon-Treger Kumuniezh
Bro velestradurel	Bro Treger ha Goueloù
Lec'hienn Web	(fr)Ti-kêr
Poblañsouriezh
Poblañs	1 242 ann. (2020)
Stankter	179 ann./km²
Douaroniezh
Daveennoù lec'hiañ	48° 48′ 33″ Norzh 3° 22′ 14″ Kornôg
Uhelderioù	kreiz-kêr : 45 m bihanañ 0 m — brasañ 71 m
Gorread	6,94 km²
Trelêvern

Douaroniezh

War aod Mor Breizh, etre Louaneg hag an Trêvou. Kumunioù amezek : Louaneg; an Trêvou; Kamlez; Kervaria-Sular.

Anv

B. Tanguy (p. 338) : Par. de Trieveleveron, Trielevaren, Treslever, Treslever, Trezlever, 1330; Treleguern, 1395; Trelevern, fin XIV^vet, 1426, 1486

Talvoudegezh : ket diouzh gwern, evel e vez kustumm da soñjal, mes diouzh un anv den Meren

B. Tanguy n'en n'eus ket komzet diouzh Sant Merin, e Lanvillin, nepell koulkoude diouzh Trelevern.

E. Vallerie : Treleguern, 1295; Trieveleveron, Trielevaren, Tresveler, Terzlever, Treslever, Trezvelor, 1330; Trelever, 1382; Treslever, 1383; Trelevern, 1516; Trelevern, 1592

Ardamez

Sourinet etre erminoù ha gul a c'hwec'h pezh.

Familh Tréléver, siell 1385

(cf Froger & Pressensé)

Ur fazi e vefe diwar benn ar familh Tréléver. Hervez Guy Le Borgne, e vefe an anv se e wirionez hini un aotrouniezh eus Gwimaeg (R. de Saint Jouan, p. 772)

Istor

XX^vet kantved

Brezel-bed kentañ

• Mervel a reas 35 gwaz abalamour d'ar brezel hervez monumant ar re varv, da lavaret eo 3,37 % ag ar boblañs hervez an niveradeg bet graet e 1911.

Eil Brezel-bed

• Devet eo bet an ti-kêr gant an Alamanted d'an 28 a viz Gouere 1944.
• Mervel a reas pemzek den ag ar gumun abalamour d'ar brezel, hervez monumant ar re varv.

Brezelioù didrevadennañ

Brezel Indez-Sina

• Mervel a reas tri milour eus ar gumun er Viêtnam.

Brezel Aljeria

• Mervel a reas daou vilour eus ar gumun.

Monumantoù ha traoù heverk

• 
  An iliz katolik.

• Iliz Sant Leonor ha Santez Anna (26 Gouere 1912 / 27 Gouere 1914).
• Chapel Sant Sebastian Kergouanton (XVvet); o vont en e boull.
• Kroaz Kerieg.
• Kastell Kergouanton (XV-XVI^vet). (Roet e anv d'ar familh Loz a Gergouanton, hirie aet da get).
• Monumant ar re varv e-tal an iliz katolik er vered, luc’hskeudenn ha kartenn-bost. D’an 11 a viz Du 1921 e voe dioueliet.
• Taolenn ar re varv (1914-1918) en iliz katolik, luc’hskeudenn.

Emdroadur ar boblañs abaoe 1962

Niver a annezidi

Kennlavar

• Kouez Trelêvern, Pa ne vez ket toull e vez rouedenn.

Tud

• Pêr al Loz, aotrou Kergouanton. Diazezour, gant e gwreg, Soazig a Gergroadez, an Hôtel-Dieu Landreger (18 Kerzu 1635). Aet da Anaon e Landreger d'ar 27 a viz Mae 1668. Dre testamant, en devoa roet ul lodenn vras eus e leve, enno ar maner Kervouster, e Langoad, da seurezed an ospital Truez Jezuz.
• Roet en eus al lec'h ar Wern (le Launay), eus Trelêvern, e anv d'ar familh Le Provost de Launay

Levroniezh

• (fr)Régis de Saint-Jouan : Dictionnaire des communes du département des Côtes d'Armor. Éléments d'histoire et d'archéologie. Conseil Général des Côtes d'Armor 1990
• (fr)Bernard Tanguy : Dictionnaire des noms de communes, trèves et paroisses des Côtes d'Armor. Origine et signification. ArMen - Le Chasse-Marée. 1992
• (br)Erwan Vallerie : Diazezoù studi istorel an anvioù-parrez. Corpus. An Here. 1995
• (fr)Michel Froger & Michel Pressensé : Armorial des communes des Côtes d'Armor & Ille-et-Vilaine. 2008

Liammoù diavaez

• Lec'hienn ofisiel kumun Trelêvern
• (br) Trelêvern war lec'hienn Geobreizh