Verb-skoazellañ

Er yezhoniezh e vez implijet an termenoù verb-skoazell, pe verb-skoazellañ, pe skorverb, evit komz eus ur rummad verboù resis, kollet o fouez steroniel gante, hag a dalvez da reiñ titour kevreadurezhel ha/pe steroniel d'ar verb pennañ.

Kemmañ a ra implij ar verboù-skoazell a yezh da yezh, da skouer e c'hell ar verb "ober" talvezout da verb-skoazell e brezhoneg met n'hell ket talvezout ar verb "fazer", kevatal e ster, da verb-skoazell e portugaleg.

Implijoù

Talvezout a ra ar verboù-skoazell evit sevel amzerioù kevrennek ar verboù hag er yezhoù indezeuropek ha meur a yezh all e talvezont peurliesañ evit merkañ an arvez hag an doare hag evit sevel an tu-gouzañv.

E meur a yezh romanek (d.s. galleg hag italianeg) hag ivez e yezhoù germanek 'zo (d.s. alamaneg ha nederlandeg) e c'hell dibab an eil verb-skoazell pe egile talvezout da lakaat an diforc'h etre verboù tranzitivel amakuzativel diouzh un tu hag amergativel diouzh an tu all hervez ar verboù-skoazell implijet gante o-daou.

E galleg

amakuzativel: Je suis tombé ("Kouezhet on/am eus graet/a ris")

amergativel: J'ai travaillé ("Labouret am eus/Labourat am eus graet/a ris")

E brezhoneg

Tri verb-skoazell zo e brezhoneg.

Bezañ

• Aet_{verb pennañ} on_bezañ da Lannuon
• Bet_{verb pennañ} on (bet)_bezañ e Lannuon
• Bez'_bezañ e kouezh_{verb pennañ} an avaloù
• 'Emañ_bezañ o vont_{verb pennañ} da Lannuon

Ober

• Komz_{verb pennañ} a ran_ober

Kaout / Endevout

• Debret_{verb pennañ} am eus_kaout an aval

Ar verb skoazell "kaout" a c'hall talvezout evit displegañ ivez ar verb "ober" d'e dro :

• Debriñ an aval am eus graet

[Debriñ_{verb pennañ} {(kaout)_{verb skoazell "ober"} (ober)_{verb skoazell "debriñ"}}]

Gwelit ivez

• Verb-damskoazellañ
• Verb skañv
• Verb kevrennek