Digeriñ al lañser pennañ

Ar Volked, pe Volcae e latin (IPA: [ˈwɔlkaj]), a oa ur bobl kelt en Europa an IIIde kantved kent JK, pe gentoc'h ur c'hevredad pobloù.

MenegoùAozañ

Kentañ meneg anezhe a oa e 69 kent JK gant Cicero en e brezegenn Pro Fonteio war un dro gant an Allobroged[1]. Titus Livius ivez a reas meneg anezho en e Ab Urbe Condita, hag a lavar e tegouezhas Hannibal gante en daou du d'ar Ron, e Galia, en 218 kent JK[2].

 
Troioù ar Volked en Europa


Volcae ArecomisciAozañ

Ar Volked Arecomiked a oa o chom e tolead Nemasus, hag an Hérault eo a servije da vevenn etre int hag ar Volked Tektosaged .


Volked TektosagedAozañ

An d-Tectosagii a oa ur skourr eus ar Volcae a dremenas dre Makedonia da vont da Asia Minor war-dro 270 kent JK. Trec'h e voent war ar C'hresianed en Emgann an Termopliloù e 279 kent JK.

Hervez Strabo e teue an d-Tectosagii eus an tolead m'emañ Toloza, en Okitania.

Hervez Julius Caesar, diwar Ératosthène, edo ar Volked Tectosaged o chom er goadeg herkinian, ha dont a raent eus Gallia Narbonensis. Hiriv e kreder e teuent eus kreisteiz Germania, hag eno eo en em gavjont gant ar C'hermaned [3]. Diwar an eskemmoù etre Germaned ha Volked e teufe ar ger germanek Walh, diwar anv ar Volked, roet d'an dud a gomze ur yezh keltiek, ha diwezhatoc'h, ur yezh latin.

IstorAozañ

Pennadoù karAozañ

NotennoùAozañ

  1. (la) «[…] vos Volcarum atque Allobrogum testimoniis non credere timetis?», Cicero, Pro Fonteio, 26
  2. (la) «Hannibal ceteris metu aut pretio pacatis iam in Volcarum peruenerat agrum, gentis ualidae. Colunt autem circa utramque ripam Rhodani;» Tite Live, Ab Urbe Condita, XXI, 26.
  3. (de) Eduard Norden, Die germanische Urgeschichte in Tacitus Germania, B. G. Teubner, Leipzig, 1922, pp. 359

LennadurezhAozañ