Winchester Model 52
Ar Winchester Model 52 zo ur garabinenn-vorailh produet adalek 1920 gant an embregerezh stadunanat Winchester. E-pad un hanter-kant vloaz bennak e voe implijet kalz e bed ar sportoù tennañ.
| Winchester Model 52 | |
|---|---|
 Ur garabinenn Winchester Model 52C eus 1954 | |
| Kinnig | |
| Bro |  Stadoù-Unanet Amerika
|
| Produer | Winchester Repeating Arms Company |
| Doare | Karabinenn |
| Mont en-dro | Tennata dre zorn, dre vorailh |
| Munisionoù | .22 Long Rifle |
| Mare krouidigezh | 1918 - 1919 |
| Mare produiñ | 1920 - 1980 |
| Niver produet | 125.419 |
| Pouez ha muzulioù | |
| Mas | 3,3 - 5,9 kg |
| Hirder | 1.000 1.100 mm |
| Hirder ar c'hanol | 610 mm 710 mm |
| Perzhioù all | |
| Endalc'h | Karger-fiñv 5 pe 10 kartouchenn |
| Lezenn | |
| Rummad e Bro-C'hall | C |
Istor
kemmañE-pad ar Brezel-bed Kentañ e oa bet kustumet ar soudarded d'ober gant armoù-skoaz dezhe ur blatinenn-vorailh. Fellet a rae ivez d'an arme stadunanat lakaat hec'h izili da bleustriñ war an tennañ gant armoù bihan o c'halibr[1]. E 1918, an embregerezh Winchester a c'houlennas gant daou eus e ijinourien, Franck Burton ha Thomas Johnson, sevel ur garabinenn-vorailh kambret e .22 Long Rifle. E 1919 e voe implijet c'hwec'h pimpatrom eus an arm nevez, anvet da gentañ G22R, en ur genstrivadeg tennañ e Camp Perry (Ohio). Berzh a rejont en ur c'hounit pemp amprouenn hag al Lord Dewar Cup. Lesanvet e voe an arm King of the .22s (roue an .22) ha produet e voe adalek 1920 gant Winchester, dindan an anv Model 52[2].
Daou zoare Model 52 a gaved, an eil (anvet Target) hiroc'h e ganol evit egile (Sporter). Pevar stumm nesañ a voe eus ar Model 52, anvet eus A da D, dezhe meur a adstumm. Un arm resis ha fiziapl e oa, ha 125.419 skouerenn anezhañ a voe produet betek 1980[2]. Er bloavezhioù 1970 e voe dilezet tamm-ha-tamm abalamour d'e briz ha da gevezerezh merkoù evel Anschütz war marc'had an armoù-kenstrivadegoù evit ar sportoù tennañ. E-touez an 50 arm-tan hiniennel gwellañ en Istor eo bet renket ar Model 52 gant ar magazin Field & Stream e 2024[3].
Daveennoù
kemmañ- ↑ (en) ROCKETTO Hap, A History of the United States National Outdoor Smallbore Rifle Championships 1919-2010 (pellgargañ), labour war istor ar c'henstrivadegoù tennañ e SUA kaset evit an NRA, 2010, p.6 (lennet d'an 03/10/2024)
- ↑ 2,0 ha2,1 (en) VON BENEDIKT Joseph, Winchester Model 52 Review, Shooting Times, 20/07/2020 (lennet d'an 03/10/2024)
- ↑ (en) PETZAL David E., The 50 Best Guns Ever Made, Field & Stream, 25/06/2024 (lennet d'an 03/10/2024)
