Cantiaci

Cantiaci, Cantii, a reer eus ur boblad Belged hag a oa en Enez Vreizh a-raok an aloubadeg roman. O anv o devoa roet d'ur geoded eus proviñs roman Britannia. Ar vro ma oant o chom, Cantium e latin, a voe anvet Ceint diwezhatoc'h, ha Kent e saozneg.

Pobloù kreisteiz Enez Vreizh

Amezeien e oant d'ar bobl Catuvellauni, Belged anezho ivez en hanternzoz ha d'ar Regnenses er c'hornôg. Durovernum Cantiacorum, deuet da vout Canterbury, e oa o c'hêr-benn. Hervez an douaroniour Klaudios Ptolemaios edo Londinium (deuet da vout Londrez) e Ceint: ur fazi eo, hervez Rivet & Smith, rak war ribl norzh ar stêr Davoez edo Londinium.

Anv

Rivet & Smith, p. 299 :

• Klaudios Ptolemaios, II, 3, 12 : Kantioi (= Cantii), Kantikoi (= Cantici); II, 3, 13 Kantiois (= Cantiis), Kantikois (= Canticis)
• Ravenna, 106³⁶ : Duro Arverno Cantiacorum
• RIB 192 (skrid-gouestl) : Similis Atti f(ilius) ci(vis) Cant(ius) = Heñvel... keodedad eus Kent

Talvoudegezh : gwelloc'h eget soñjal en un anv pobl nemetken, e c'heller kinnig kement ha tud eus Kent (aet da angl-ha-saoz : Cantware = Men of Kent), enno meuriadoù gant anvioù disheñvel.
Meneget eo P. Quentel, e Revue Internationale d'Onomastique, XXV, 1973.

Levrlennadur

• (la) Julius Caesar, De bello gallico, levrenn V, 13, 14, 22
• (en) Wade-Evans, A. W. : Nennius’s History of the Britons, Society for Promoting Christian Knowledge, 1938 (ASIN: B0010V4W0W)
• (en) A.L.F. Rivet & Colin Smith : The Place-Names of Roman Britain, B. T. Batsford Ltd., London, 1979, 1982 (ISBN 978-0-7134-2077-7)
• (en) John Creighton (2000) : Coins and Power in Late Iron Age Britain, Cambridge University Press (ASIN: B008H006XQ)
• (fr) Venceslas Kruta : Les Celtes, Histoire et dictionnaire, Robert Laffont, coll. « Bouquins », Paris, 2000 (ISBN 2-7028-6261-6).
• (fr) John Haywood : Atlas historique des Celtes, trad. Colette Stévanovitch, Autrement, coll. Atlas/Mémoires, Paris, 2002 (ISBN 2-7467-0187-1).