Eostig kuzh

Eostig kuzh

Kanenn

Kudenn ebet (LC)

Rummatadur filogenetek

Riezad :

Skourrad :

Kevrennad :

Urzhad :

Kerentiad :

Genad :

Luscinia

Anv skiantel

Luscinia megarhynchos
Brehm, 1831

D'ar vevoniezh

e tenn ar pennad-mañ.

An eostig kuzh^[1] (liester : eostiged kuzh)^[2] pe eostig noz^[3], Luscinia megarhynchos an anv skiantel anezhañ, a zo ur golvaneg plijus e gan hag a vez klevet diouzh an noz ha diouzh an deiz. Neizhiañ a ra e-barzh ar c'hoadoù, tost d'an dour, met kavet e vez ivez e-barzh al liorzhoù, ar bodoù-gwez hag ar gwerjeoù.

Neuz kemmañ

Etre 22 ha 24 cm eo e hed-eskell, ha war-dro 16 cm e uhelder ; etre 18 ha 27 g e bouez. Gell eo e blu ha hir e dreid.

Doareoù bevañ kemmañ

Gant bizoù, kevnid pe amprevaned en em voueta.

Annez kemmañ

Vioù Luscinia megarhynchos.

Degouezhout a ra etre miz Mae ha Mezheven. Neizh an eostig n'eo ket gwall gempenn, hag izel (30 cm a-zioc'h an douar) pe a-rez al leur zoken. Damc'hlas eo ar pevar pe bemp vi dozvet gant ar barez. War-dro 14 deiz e pad ar goradur. Etre 11 ha 12 deiz e pad an dishualerezh hag an nij a heuilh nebeut goude. An neizherezh kentañ a zegouezh e-pad an nevezamzer war-lerc'h. Betek c'hwec'h vloaz e vev an eostiged.

Isspesadoù kemmañ

Tri isspesad zo dezhañ^[4] :

Luscinia megarhynchos africana, o neizhañ en un takad hag a ya eus Kaokaz ha reter Turkia da vervent Iran hag Irak ; o c'hoañviñ en Afrika ar Reter,
Luscinia megarhynchos golzii, o neizhañ eus Mor Aral da vMongolia ; o c'hoañviñ war aodoù Afrika ar Reter,
Luscinia megarhynchos megarhynchos, o neizhañ en Europa ar C'hornôg, Afrika an Norzh hag Anatolia ; o c'hoañviñ en Afrika drovanel.

Divroadeg kemmañ

E miz Gwengolo e tivro an eostig etrezek Afrika issahara, o tremen dre strizh-mor Jibraltar.

Divroadegoù Luscinia megarhynchos

Arouezioù kemmañ

Hervez an hengoun e vez roet da c'houzout gant an eostig eo deuet an nevezamzer. Labous miz Mae eo-eñ, met arouez ar garantez eo an eostig dreist pep tra.

Lennegezh kemmañ

Laüstic eo anv eizhvet lae Marie de France ; setu amañ ar poz kentañ :

Une aventure vus dirai,
Dunt li Bretun firent un lai ;
Laüstic ad nun, ceo m’est vis,
Si l’apelent en lur païs ;
Ceo est russignol en franceis
E nihtegale en dreit engleis.

— Dornskrid Harley 978, f° 144, British Museum, London