Philippe d'Orléans (1674-1723)
|
|
Ur pennad Philippe d'Orléans zo ivez.Fulup II Orleañs (Philippe d'Orléans e galleg), ganet d'an 2 a viz Eost 1674 e Saint-Cloud, Bro-C'hall, ha marvet d'an 2 a viz Kerzu 1723 e Versailhez, a oa ur priñs gall, niz d'ar roue gall Loeiz XIV. Dug Chartres, dug Orléans, dug Nemours ha dug Montpensier e oa. Rejant Rouantelezh Bro-C'hall e voe e-pad eizh vloaz, etre 1715 ha 1723, evit Loeiz XV, mab-bihan d'ar roue kozh, a oa marvet e dad digantañ.
.jpg)
| Reizh pe jener | paotr  |
|---|---|
| Bro ar geodedouriezh | Frañs |
| Anv e yezh-vamm an den | Philippe d'Orléans |
| Anv-bihan | Philippe |
| Anv-familh | d'Orléans |
| Titl noblañs | dug |
| Deiziad ganedigezh | 2 Eos 1674 |
| Lec'h ganedigezh | Château de Saint-Cloud |
| Deiziad ar marv | 2 Kzu 1723 |
| Lec'h ar marv | Versailhez |
| Lec'h douaridigezh | Basilica of Saint-Denis |
| Tad | Fulup Iañ Orleañs |
| Mamm | Elisabeth Charlotte von der Pfalz, La Palatine |
| Breur pe c'hoar | Philippe Charles, Duke of Valois, María Luisa de Orleans, Anne Marie d'Orléans, Élisabeth Charlotte of Orléans, Alexandre-Louis d'Orléans |
| Pried | Françoise Marie de Bourbon |
| Familh | Tiegezh Orleañs |
| Yezhoù komzet pe skrivet | galleg |
| Karg | Rejañs |
| Relijion | Iliz katolik roman |
| Grad milourel | jeneral |
| Oberenn heverk | Orleans Collection |
| Perc'henn war | Leda and the Swan, Venus and Mars |
| Prizioù resevet | Knight of the Order of the Holy Spirit, Knight of the Order of Saint-Michel, Knight of the Order of the Golden Fleece |
| Bet kinniget evit | César Award for Best Music Written for a Film |
| Oberennoù zo en dastumad | National Gallery of Art, Philadelphia Museum of Art, Yale Center for British Art |
| Statud e wirioù aozer | Ar gwirioù aozer ne dalvezont ket ken |
E vuhez
kemmañMab e oa da Fulup Iañ Orleañs (1640-1701), breur d'ar roue Loeiz XIV, ha d'e eil pried, ar briñsez alaman, Liselotte von der Pfalz(1652-1722). Da gentañ ne oa nemet dug Chartres. Savet ha desket e voe da vezañ soudard ha diplomat, evel ma teree d'ur priñs a ouenn uhel. Troet e oa gant an istor, an douaroniezh, ar brederouriezh, hag ar skiantoù. Ne blije ket dezhañ marc'hegañ, chaseal na dañsal. Eñvor avat en doa, anaout a rae mat lignezoù tud al lez c'hall. Speredek e oa ha labourat kalz a rae. Dug Orléans e oa abaoe 1701 pa varvas e dad Philippe.
Dimeziñ
kemmañDimezet e voe, en desped dezhañ, da Françoise Marie de Bourbon (1677-1749), ur vastardez d'ar roue Loeiz XIV, pa soñje dimeziñ d'ur briñsez a renk gantañ. Un dimeziñ c'hoantaet ha mennet gant Loeiz XIV e oa, met ne voe ket gwall evurus. N'en em gleve ket an daou bried, Madame Lucifer a rae eus e wreg, met bugale o devoe memes tra.
Bugale
kemmañEizh bugel o doe, seizh merc'h hag ur mab.
- Mademoiselle de Valois ( 1693 – 1694) ;
- Marie Louise Élisabeth d'Orléans (1695 – 1719), lesanvet Joufflotte, dimezet e 1710 da Charles, dug Berry ; marvet da 23 bloaz;
- Louise Adélaïde d’Orléans ( 1698 – 1743), lesanvet Mademoiselle d’Orléans ;
- Charlotte-Aglaé d'Orléans ( 1700 – 1761), anvet ivez Mademoiselle de Valois, dimezet e 1720 da Francesco III d'Este, dug Modena ;
- Louis Ier d’Orléans, dug Chartres, ha goude dug Orléans (1723), lesanvet an Deol (4 a viz Eost 1703 – 4 a viz C'hwevrer 1752) ;
- Louise Élisabeth d'Orléans ( 1709 – 1742), Mademoiselle de Montpensier, dimezet e 1723 da Luis Iañ , roue Spagn;
- Philippine Élisabeth Charlotte d’Orléans (1714 – 1734), Mademoiselle de Beaujolais, marvet da 20 vloaz ;
- Louise Diane d’Orléans ( 1716 – 1736), Mademoiselle de Chartres, dimezet e 1732 da Louis François de Bourbon-Conti, priñs Conti; marvet da 20 vloaz.
Meur a vastard en doe ivez, en o zouez :
- Charles de Saint-Albin (1698-1764), digant Florence Pellerin; eskob Laon (1721) ha goude arc'heskob Cambrai (1723) ;
- Jean Philippe d'Orléans (1702-1748), digant Marie Louise Le Bel de La Boissière de Séry, anvet kontez Argenton, a oa bet reizhekaet e 1706, ha dont a reas da vezañ Priol Bras eus Urzh Sant Yann Jeruzalem e Bro-C'hall (lesanvetle chevalier d’Orléans pe le Grand Prieur d’Orléans) ;
- Angélique de Froissy (1702-1785), digant Charlotte Desmares (1682-1753), a oa bet rezihekaet e 1722, dimezet gant kont Ségur.
