Gwalldaol an 22 a viz Meurzh 2017 e Londrez

D'an 22 a viz Meurzh 2017 e voe ur gwalldaol islamour e kreiz kêr Londrez, e Westminster Bridge, e Parliament Square ha tro-dro da balez Westminster. An arsailher a gasas ur c'harr da flastrañ baleerien war pont Westminster Bridge ha goude-se ez eas a-benn e strolladoù tud dirak dor ar palez, kent goustilhañ un ofiser polis, a voe lazhet.
Antronoz ez embannas ar Stad Islamek e oa kiriek d'ar gwalldaol e Londrez^[1].

Gant daou ofiser polis all e voe lazhet ar sponter Khalid Masood (Adrian Russell Elms e anv badez) hag en devoa flastret ha lazhet daou valeer war Westminster Bridge. Kannaded ar Rouantelezh-Unanet e Westminster o devoa paouezet gant o labour, ha chomet e oant er savadur e-pad ar gwalldaol.

Bilañs

Kartenn pazenn-ha-pazenn eus an darvoud

Bleunioù e-koun ar gouzañvidi

C'hwec'h den a voe lazhet – ar sponter en o zouez – hag un 50 bennak gloazet, seizh anezho don-tre.
War Parliament Square e oa ivez 56 lisead breton eus Konk-Kerne ; Tri anezho a voe gloazet ha kaset d'an ospital^[2].

Bilañs d'an 23 a viz Meurzh 2017
Gouzañverien (hep ar sponter)
Broadelezh	Marvet	Gloazet	Hollad
Rouantelezh-Unanet	3	12	15
Republik Korea	0	5^[3]	5
Breizh	0	3^[4]	3
Bro-C'hall	0	1^[5]	1
Gres	0	2^[6]	2
Roumania	1	1^[7]	2
Italia	0	2^[8]	2
Alamagn	0	1^[6]	1
Iwerzhon	0	1^[6]	1
Stadoù-Unanet	1	1^[6]	2
Polonia	0	1^[6]	1
Aostralia	0	1^[9]	1
Sina	0	1^[6]	1
Portugal	0	1^[10]	1
Dianav	0	2	2
Holl broadelezhioù kemmesket	5	50	54