Kalod

Krogit e-barzh !
Un danvez pennad eo ar pennad-mañ diwar-benn inizi Breizh ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.

Kalod
Darn norzh Kalod.
Anv gallek	Île Callot
Geografiezh
Lec'hiadur	Bae Montroulez, (Mor Breizh)
Daveennoù lec'hiañ	48° 41′ N, 3° 56′ K
Lein uhelañ	38 m
Geologiezh	Enez kevandirel
Melestradurezh
Bro	Breizh
Bro hengounel	Bro-Leon
Departamant	Penn-ar-Bed
Kumunioù	Karanteg
Poblañs
Poblañs	? ann.
Titouroù all
Dizoloadenn	Ragistor
Gwerzhid-eur	UTC+01:00
kemmañ

Kalod zo un enezennig e Bae Montroulez, dirak Karanteg. Stag e vez ouzh an douar-bras pa vez tre ha mont a c'haller di war-bouez un hent-karr. Tri c'hilometr hed eo an enezenn ha n'a ket he ledander en tu-hont da dri c'hant metr bennak.

N'eus ket kalz tud o vevañ a-hed ar bloaz e Kalod^[1] ken, met gwechall e oa staliet meur a familh eno, labourerien-douar, bezhinaerien ha pesketaerien anezho. D'ur mare zo e teuas bezhinaerien eus Plougerne d'ober o annez e Kalod. Lesanvet e oant ar Japoned (Japaniz) gant tud all ar vro.

Istor

Aloubet e vije bet Kalod gant Daned e dibenn ar V^vet kantved. Eno o dije kuzhet ar madoù tapet ganto pa oant o preizhañ ar vro tro-dro. Ur penn brezhon, Riwallon, a zivizas un deiz en em gannañ ouzh ar vorlaeron-se, ha dont a reas an trec'h gantañ, hervez a lenner e skridoù Albert Le Grand, goude ma vije bet o pediñ ar Werc'hez Vari. Da-heul e drec'h e lakaas sevel ur chapel, gouestlet d'an Itron Varia, e penn run uhelañ an enez. Daoust ma voe mastaret ar chapel da vare an Dispac'h gall, e voe adkempennet goude.

E-pad ar XVII^vet kantved e oa bet tennet kalz greunvaen eus an enez. Meur a savadur e Montroulez, evel an ospital, Labouradeg ar Butun pe ar Pont bras, a voe savet gant mein tennet eus Kalod.

War an aod, en ul lec'h anvet Toull ar Sarpant e oa bet sant Karanteg, hervez ar richenn, o lazhañ un aerouant spontus, ha gwelet a c'haller roudoù e skilfoù war ar reier c'hoazh.

Chapel

Chapel Itron Varia Galod

Ur skrid brezhonek zo ouzh moger ar chapel en diabarzh.

Hon tad santel ar Pab, GREGOR XVI, A-
accord teïr Gueac'h er bloas induljansou plenier
da Guement hini, quen Goaz quen Maouez a visito
chappel Callot dediet dar Verc'hes VARI goude beza
en em laquéat e stad vad dré eur Gonfession sincer, recevet
ar Gommunion a pedet er Chappel ervez intantion ar Pab
an induljansou a zo en perpetuite ac a chonezer da 1°.; da
lun ar pantécost; da 10. da lun an dreindet; da 3°. dar zul
goude anter eost, pe assomption ar Verc'hes. an induljansou a
gommanç an devez aroc goude cresdeis, ac a bad bedec cuz
heol, en devessiou anoncet ama. Roet e Rom an 12 a vis c'hoevreur
1840. sinet Cardinal CASTRACANE, préfet approuvet a
laqueat en execution ar 1^er a vaë 1841, gant an Aoutrou Joseph
Marie GRAVERAN . Escop Quimper

Liammoù diavaez

Commons

Muioc'h a restroù diwar-benn

Kalod

a vo kavet e Wikimedia Commons.

Lec'hienn Ti an douristed e Karanteg

Notennoù

↑ Mont da Galod, chom e Kalod a lavarer e brezhoneg ar vro. Ral eo klevet « Enez Kalod » a lenner el levr Bae Montroulez (Renabl anoiou lehiou Arvor Gorre Leon), gant M. Madeg ha P. Pondaven, p. 105.

Porched Breizh – Adkavit pennadoù ha rummadoù Wikipedia a denn da Vreizh.

[1] Mont da Galod, chom e Kalod a lavarer e brezhoneg ar vro. Ral eo klevet « Enez Kalod » a lenner el levr Bae Montroulez (Renabl anoiou lehiou Arvor Gorre Leon), gant M. Madeg ha P. Pondaven, p. 105.

[1]