Maroue

Maroue a zo ur gumun a-wezhall eus Breizh e departamant Aodoù-an-Arvor. Ul lodenn eus kumun Lambal eo bremañ.

Douaroniezh

Gwelout Lambal.

Anv

• Erwan Vallerie ː Maroyo, 1234; Maroy, 1238; Maroe, 1268; Maroy, 1289; Marreill?, 1380; Maroe, 1420; Maroeil?, 1451; Maroill?, 1453; Maroeil?, 1457; Mareill?, 1466; Maroue, 1630

Istor

• Ur barrez katolik e oa Maroue.

XX^vet kantved

Brezel-bed kentañ

• Mervel a reas 100 gwaz ag ar gumun abalamour d'ar brezel hervez monumant ar re varv, da lavaret eo 5,05 % ag ar boblañs hervez an niveradeg bet graet e 1911; tri anezhe a varvas e Belgia e miz Eost 1914: unan en Arsimont d’an 21, soudard e oa er 71vet Rujumant Troadegiezh, unan e Rossignol d'an 22, soudard e oa er 1añ Rujumant Troadegiezh Drevadennel hag unan e Falisolle d'an 22 ivez, soudard e oa er 71vet Rujumant Troadegiezh.

Eil Brezel-bed

• Mervel a reas unnek den ag ar gumun abalamour d'ar brezel.
• D'an 12 a viz Even 1944 e kouezhas un nijerez Spitfire, marilhet MK471 ha kodet SK-N, eus aerlu ar Rouantelezh-Unanet (Royal Air Force) e Maroue; mervel a reas he nijour ha douaret e voe e Bayeux War Cemetery.

Kendeuziñ

• D'ar 1añ a viz Genver 1973 e voe unvanaet kumunioù kozh Lambal, Maroue, ar Boderezh, Sant-Eran ha Tregonvael d'ober ur gumun hepken, kumun nevez Lambal.

Brezhoneg

• Kumun Maroue, asambles gant kumunioù all eus bro Lambal, evel Andel, Henon, pe Pledeliav, a votas mennad al luskad Ar brezoneg er skol evit goulenn ma vefe kelennet brezhoneg er skolioù kentañ derez er bloavezhioù 1930.

Monumantoù ha traoù heverk

• 
  An iliz katolik.
• 
  Ar groaz e-tal an iliz katolik.

• Iliz katolik Sant Pêr.
• Ar groaz.

• 
  Ar chapel.

• Chapel Intron-Varia.

• 
  Ar genkiz.

• Kenkiz "Gautrel".
• Monumant ar re varv e-tal an iliz katolik, luc’hskeudenn.

Tud

Ardamezeg ar familhoù

	Annor Aotrounez la Motte-Mouëxigné En gul e bempdeliaouenn en erminoù
	Le Baillif Aotrounez Champorien En glazur e eor en aour
	de Bédée Aotrounez Lescouët En argant e zri arbenn-karv en gul
	Bertho (pe Berthou) de Maritaine En aour e sparfell en sabel, e benn ouzh kleiz, grizilhonet en sabel, heuliet gant teir rodig-kentr en sabel
	de Lescoët Aotrounez al lec'h se, Moquelays, Sainte-Belienne, Soulleville. En sabel e sparfell en argant, krabanet, stagellek ha grizilhonek en aour, heuliet gant teir c'hregilhenn en argant
	Micault Aotrounez Soulleville En glazur, e alarc'h en argant melezouriñ war vord ur veunteun ivez en argant, hag heuliet ouzh kab gant un heol en aour

Pennadoù kar

• Ar Boderezh,
• Lambal,
• Sant-Eran,
• Tregonvael.

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• (br)Erwan Vallerie : Diazezoù studi istorel an anvioù-parrez. Corpus. An Here. 1995