Maschinenpistole 34
Ar Steyr-Solothurn S1-100, anvet peurliesañ Maschinenpistole 34 pe MP 34 en he stumm berraet, zo ur bistolenn-vindrailher produet e Suis evit ar strollad aostrian Steyr er bloavezhioù 1930. Implijet eo bet da vare an Eil Brezel-bed dreist-holl.
| Maschinenpistole 34 Steyr-Solothurn S1-100 | |
|---|---|
 Ur Maschinenpistole 34 | |
| Kinnig | |
| Bro |  Aostria Suis
|
| Doare | Pistolenn-vindrailher |
| Mont en-dro | Tennata dre argil |
| Munision | 9 × 23 mm Steyr 9 × 25 mm Mauser 9 × 19 mm Parabellum 7,63 × 25 mm Mauser 7,65 × 21 mm Parabellum .45 ACP |
| Produer | Steyr-Solothurn Waffen |
| Mare implij | 1934 - bloavezhioù 1970 |
| Pouez ha muzulioù | |
| Mas (hep kartouchenn) | 4,25 kg |
| Mas (karget) | 4,48 kg |
| Hirder | 850 mm |
| Hirder ar c'hanol | 200 mm |
| Perzhioù all | |
| Hed-tenn pleustrek | 150 m |
| Tizh mont e-maez ar boledoù | 410 m/s |
| Lusk-tennañ | 600 tenn/mn |
| Endalc'h | Karger-fiñv 20 pe 32 gartouchenn |
| Lezenn | |
| Rummad e Bro-C'hall | A |
Istor
kemmañWar-dro 1919 e voe ijinet ur bistolenn-vindrailher anvet MP 19 gant an embregerezh alaman Rheinmetall. Abalamour da feur-emglev Versailhez, ne c'hellas ket an arm bezañ produet da vat. E 1929 e prenas Rheinmetall un embregerezh suis bihan anvet Solothurn, evit mont hebioù berzioù ar feur-emglev[1]. A-benn gellet produiñ pistolennoù-mindrailher a-yoc'h e voe savet un emglev etre Solothurn hag an embregerezh aostrian Steyr. Diazezet e voe an embregerezh nevez e Zürich. Produiñ a reas ur stumm tost d'an MP 19, hag a voe anvet S1-100[2]. Un arm berr e oa, priziet evit kalite e broduiñ. Ul loc'henn he doa evit dibab ar mod-tennañ (aotomatek pe damaotomatek). Ur vaionetez a c'halle bezañ savet warni ivez[3]. Gwinterell he c'hulasenn a oa en he lamm.
An arm a voe dibabet gant ar polis aostrian e deroù ar bloavezhioù 1930 dindan an anv MP 30. Kambret e oa da gentañ e 9 × 23 mm Steyr, ar gartouchenn standart evit armoù-dorn Aostria. Ur stumm kambret e 7,63 × 25 mm Mauser a voe choazet gant an arme aostrian e 1934, dindan an anv Maschinenpistole 34. Skouerennoù a voe produet evit broioù all, e Suamerika dreist-holl (er c'halibr .45 ACP). Goude an Anschluss e 1938 e voe implijet gant ar Wehrmacht, adkambret tamm-ha-tamm e 9 mm Parabellum. Paouez a reas ar produiñ e 1940 evit sevel MP 40[2].
Implijerien
kemmañ
Aostria : stummoù kambret e 9 × 23 mm Steyr (polis) pe 7,63 × 25 mm Mauser (arme)
Bolivia
Chile
El Salvador
Portugal : stummoù kambret e 7,65 × 21 mm Parabellum ha 9 × 19 mm Parabellum, dindan an anv M/942[3]
Sina : stumm kambret e 7,63 × 25 mm Mauser[2]
Trede Reich : stummoù adkambret e 9 × 19 mm Parabellum, dindan an anv MP.34(ö)[2]
Uruguay
.svg){kind=small}
