Melined

Melined (Moulins e galleg) a zo ur gumun eus Breizh e Kanton Gwerc'h-Breizh e departamant Il-ha-Gwilen.

Melined
Iliz katolik Sant Varzhin.
Anv gallaouek	Móleins
Anv gallek (ofisiel)	Moulins
Bro istorel	Bro-Roazhon
Melestradurezh
Departamant	Il-ha-Gwilen
Arondisamant	Felger-Gwitreg
Kanton	Gwerc'h-Breizh
Kod kumun	35198
Kod post	35680
Maer Amzer gefridi	Anne-Marie Morlier 2020-2026
Etrekumuniezh	Gwitreg Kumuniezh
Bro velestradurel	Bro Gwitreg
Lec'hienn Web	https://moulins35.fr/
Poblañsouriezh
Poblañs	713 ann. (2020)
Stankter	47 ann./km²
Douaroniezh
Daveennoù lec'hiañ	48° 00′ 11″ Norzh 1° 22′ 16″ Kornôg
Uhelderioù	kreiz-kêr : 80 m bihanañ 42 m — brasañ 94 m
Gorread	15,21 km²
Melined

Istor

XX^vet kantved

Brezel-bed kentañ

• Mervel a reas 112 gwaz abalamour d'ar brezel hervez monumant ar re varv, eleze 2,98% ag ar boblañs hervez an niveradeg bet graet e 1911; tri anezhe a varvas e Perthes-lès-Hurlus e Bro-C'hall.

Eil Brezel-bed

• Mervel a reas ur soudard eus ar gumun abalamour d'ar brezel d’ar 28 a viz Even 1940 en ospital e Néris-les-Bains en Allier (Bro-C'hall).
• D'ar 15 a viz Even 1943 e kouezhas ur c'harr-nij Stirling I marilhet BK646 ha kodet AA-N eus ar 75th Squadron eus ar Royal New Zealand Air Force (aerlu Zeland-Nevez) e "Le Pré des Batailles" e Melined gant seizh nijour en e vourzh; lazhet e voe e sturier, beziet eo e Bretteville-sur-Laize (Calvados, Bro-C'hall), daou nijour a zeuas a-benn da achap, ar re all a voe tapet gant an archerion c'hall ha roet d'an Alamaned.

Monumantoù ha traoù heverk

• 
  Gwerenn livet "Gwezenn Yese" en iliz katolik.
• 
  Dor er c'hreisteiz.

• Iliz katolik Sant Varzhin, XV^vet kantved.
• Kastell Monbouan, XVII^vet kantved.
• Monumant ar re varv er vered, luc’hskeudennoù, outañ plakenn ur c'harr-nijour eus ar Royal New Zealand Air Force marvet d'ar 15 a viz Even 1943.
• Plakenn ar re varv (1914-1918 ha 1939-1945) en iliz katolik, luc’hskeudennoù

Emdroadur ar boblañs abaoe 1962

Niver a annezidi

Liamm diavaez

• (fr)Glad Melined .