Naoned e Breizh
Naoned e Breizh eo lugan brezhonek ar Vretoned a stourm a-enep rannidigezh Breizh etre an div rannvro c'hall Rannvro Breizh ha Broioù-al-Liger.
Istor kemmañ
E rouantelezh Breizh edo Bro-Naoned abaoe amzer Nevenoe hag e proviñs Breizh edo c'hoazh betek 1790 pa voe diskaret ar proviñsoù gall e 1790.
Un niver mat a dud e-touez poblañs Naoned o deus c'hoant da welout distro "ofisiel" Naoned e kumuniezh Breizh. Memes tra gant an dud eus Liger-Atlantel hag an departamantoù breizhat all (meur a sontadeg en deus diskouezet an dra-mañ). Daoust da se n'eo ket gwall zedennet ar maer Jean-Marc Ayrault gant an afer. Patrick Mareschal avat, prezidant Kuzul departamant Liger-Atlantel abaoe 2004, zo a-du gant adunvanidigezh Breizh. Unan eus krouerien ar gevredigezh CUAB (Comité pour l'Unité Administrative de la Bretagne), deuet da vezañ Breizh adunvan, an hini eo. Jean-Marc Ayrault ha Patrick Mareschal zo e-barzh ar memes strollad politikel, ar Strollad Sokialour Gall.
Manifestadegoù a zo bet abaoe ar bloavezhioù 1970 dreist-holl, gant Naonediz ha gant Bretoned all o tont eus Breizh a-bezh, met n'int ket bet selaouet c'hoazh. An hini ziwezhañ eo ar FestiManif BZH + he doa bodadet 10 000 den e miz Gwengolo 2008. Stourmet e vez gant ar gevredigezh Breizh adunvan, ar strollad re yaouank 44=Breizh, ha gant strolladoù politikel zo, en o zouez an UDB (Unvaniezh Demokratel Breizh), Strollad Breizh hag Emgann.
E-kerzh votadegoù Prezidant Bro-C'hall 2007, lod eus ar gannaded a oa a-du da sellet a-dost ouzh an doser "Naoned e Breizh", evel Dominique Voynet pe François Bayrou. Daoust hag-eñ en deus levezon vot Naonediz ? Se ne ouezer ket...
Nicolas Sarkozy a oa en em c'houlennet d'ar 27 a viz Du 2008 ha ne vefe ket adunvaniezh Breizh un dra vat, e-pad Kendalc'h meur maered Frañs 2008. Addihunet eo bet ar breud foran e touez ar bolitikourien gant ar frazenn-mañ, met n'eo ket gwall sklaer c'hoazh penaos e troio an traoù.
E miz Kerzu 2011 en deus disklêriet ur besprezidant PS eus kuzul rannvro Broioù-al-Liger e oa a-du gant ur rannvro vras[1].
2014 kemmañ
E derou 2014 e felle d'ar gouarnamant gall adober ar rannvroioù gall.
E 2014 ez eus bet div vanifestadeg evit Naoned e Breizh. Ha pennadoù e-leizh zo bet er c'hazetennoù[2].
Ur vanifestadeg all a vo e dibenn Gwengolo 2014.
Politikourien a-du gant Naoned e Breizh kemmañ
Politikourien vreizhat kemmañ
- Isabelle Le Bal, kuzulierez-rannvro
- Paul Molac, kannad Morbihan
- Mona Bras, bet kuzulierez-rannvro
- Marc Le Fur, kannad Aodoù-an-Arvor
- Lena Louarn, kuzulierez-rannvro
- François de Rugy, kannad Liger-Atlantel, met n'eo ket ken sklaer-se abaoe un nebeud bloavezhioù
- Patrick Mareschal, bet prezidant Kuzul-departamant Liger-Atlantel
- David Robo, maer Gwened
- Loig Chesnais-Girard, prezidant Rannvro Breizh
Politikourien a-enep Naoned e Breizh kemmañ
Politikourien vreizhat kemmañ
- Strollad Sokialour (Frañs) :
- Nathalie Appéré, maerez Roazhon
- Marylise Lebranchu, bet ministr ha maerez Montroulez
- Johanna Rolland, maerez Naoned
- François Cuillandre, maer Brest
- Michaël Quernez, besprezidant kuzul Penn-ar-Bed
- Philippe Grosvalet, prezidant Kuzul Liger-Atlantel
- Philippe Chesnut, prezidant Kuzul Il-ha-Gwilen
Politikourien c'hall kemmañ
- Jean-Marc Ayrault, bet maer Naoned, bet kentañ ministr
- François Fillon, bet kannad ha kentañ ministr
- Manuel Valls, bet kannad ha kentañ ministr
- Emmanuel Macron, prezidant ar republik (n'eo ket sklaer)
Pennadoù kar kemmañ
Notennoù kemmañ
- ↑ http://www.nantes.maville.com/actu/actudet_-Rififi-autour-de-la-reunification-de-la-Bretagne_52716-2072224_actu.Htm?idAvis=300607&xtor=EPR-200-[validavis]-20120102-[visualiser]&utm_source=mviconditionnel&utm_medium=validavis&utm_campaign=visualiser#ancreAvis300607
- ↑ https://web.archive.org/web/20140811104600/http://www.histoire.presse.fr/actualite/infos/nantes-est-elle-vraiment-bretonne-02-07-2014-104990