Nedeleg

Ur pennad Nedeleg (anv-tud) zo ivez.

Nedeleg zo ur gouel kristen, hini ganedigezh Jezuz, mab Doue hervez ar gristenion. "Gouel Ginivelezh Hor Salver" eo an anv dik el liderezh kristen.

Nedeleg eo deiz ganedigezh Jezuz hervez ar gristenien

Ginivelezh, gant Bronzino.

Ar C'hinivelezh gwelet er XV^vet kantved (Les Très Riches Heures du duc de Berry)

E 1843 e skrivas Charles Dickens ar romant A Christmas Carol a reas da spered an Nedeleg advevañ.

Hiziv an deiz e vez lidet gouel Nedeleg gant nann-kristenion ivez. Dizoueidi, yuzevion, muzulmidi, hogos an holl familhoù a laka ur wezennig sapr kinklet en o sal-vras da geñver dibenn ar bloaz.

D'ar 25 a viz Kerzu an hini eo e vez lidet Nedeleg peurvuiañ (Nozveilh ar Pellgent a c'hoarvez eta etre ar 24 hag ar 25), nemet evit darn eus an ilizoù reizhkredennek, a zalc'h d'ar 7 a viz Genver (e Rusia, Polonia, Tchekia, Serbia, Bulgaria, Jorjia), ha d’ar 6 a viz Genver emañ evit Iliz Armenia.

An deiziad a zo bet termenet gant an iliz katolik da glotañ gant Gouel Yann ar Badezour, d'ar 24 a viz Mezheven, c'hwec'h miz a-raok, lesanvet "an Diaraoger", dre m'en doa disklêriet "Me eo ar vouezh a gri en dezerzh : kempennit an hent d'an Aotrou".

Gouel ar familh eo evit kalz a dud, gouel ar vugale dreist-holl, a c'hortoz gant mall profoù ar " Mabig Jezuz " evit ar gristenion, pe "Tad-kozh Nedeleg" (pe an Tad Nedeleg) bet degaset gantañ "dre ar siminal", e-harz ar wezenn-sapr, dirak botoù pep hini, e-pad noz ar Pellgent.

Giz ar profoù da-geñver Nedeleg en deus lakaet ar gouel-se da vezañ ur mare a-bouez evit ar c'henwerzh, ha kavet e vez abeg en emdroadur-se a zo natur koulskoude en armerzh a hiziv, diazezet war ar beveziñ.

Profoù nedeleg

Golo ur c'hatalog Nedeleg e 1904.

C'hoarielloù, c'hoarioù pe arc'hant a vez profet d'ar vugale ha d'ar grennarded, ha profoù all d'an dud gour a-wechoù ivez. Paket e vezont gant paper-prof ha lakaet e vezont e traoñ ar wezenn Nedeleg. Digoret e vezont da hanternoz pe d'ar beure war-lerc'h.

Nedeleg Laouen

Hetet e vez un Nedeleg Laouen d'an dud e kalz yezhoù

Alamaneg : Fröhliche Weihnachten Bulgareg : Tchestito Rojdestvo Hristovo Daneg : Glædelig Jul Esperanteg : Ĝojan Kristnaskon Finneg : Hyvää Joulua Gouezeleg Skos : Nollaig Shona Dhuit

Gresianeg : Kala Hristougenna Hungareg : Boldog karàcsonyt Islandeg : Gledileg Jol Italianeg : Buon Natale Izelvroeg : Vrolijk Kerstfeest Katalaneg : Feliç nadal

Kerneveureg : Nedelek lowen Norvegeg : Gledelig Jul Poloneg : Wesolych Świąt Portugaleg : Feliz Natal Ruseg : С Рождеством (s rojd yèsst vom) Saozneg : Merry Christmas

Sinaeg : 圣诞快乐 (shèng dàn kuài lè) Sorabeg uhel : Wjesołe hody Sorabeg izel : Wjasołe gódy Spagnoleg : Feliz Navidad Svedeg : God Jul

Pennadoù kar

• Tad-kozh an Nedeleg
• Gwezenn Nedeleg
• Kraou Nedeleg
• Skod Nedeleg
• Marc'had Nedeleg
• Gourdeizioù.

Liammoù diavaez

• Noueloù hengounel eus bro Nisa (saozneg) (galleg) (okitaneg)
• Bugale Diwan Gwengamp o kanañ da vare Nedeleg : http://www.letelegramme.fr/cotes-darmor/guingamp/diwan-80-enfants-au-spectacle-de-noel-22-12-2017-11790521.php?share_auth=046f9c1e631f446abeb984cf5e7aa176#DGBVDYf1BxiWT4xX.01