Pistolet automatique modèle 1935S
Arabat eo droukveskañ gant Pistolet automatique modèle 1935A.Ar PA 35S (PA evit Pistolet Automatique, Pistolenn Aotomatek), anvet Pistolet automatique modèle 1935S en ur mod ofisiel, zo ur bistolenn damaotomatek un-ober ijinet e Labouradeg Armoù Saint-Étienne hag implijet gant arme Bro-C'hall dreist-holl[1]. Servijout a reas war an tachennoù-emgann etre fin ar bloavezhioù 1930 hag ar bloavezhioù 1970.
| PA 35S | |
|---|---|
 Ur bistolenn PA 35S e Mirdi an Arme (Pariz) | |
| Kinnig | |
| Bro |  Frañs
|
| Doare | Pistolenn damaotomatek, un-ober |
| Mont en-dro | Tennata dre argil berr ar c'hanol |
| Munisionoù | 7,65 × 20 mm Long |
| Produerien | Stumm PA35S Manufacture d'Armes de Saint-Étienne Stumm PA 35SM1 Manufacture d'Armes de Châtellerault Manufacture d'Armes de Saint-Étienne (frammoù ha kargerioù) Manufacture d'Armes de Tulle (kanolioù ha riklerezioù) Manufacture d'Armes de Paris (kanolioù) SAGEM (10.000 skouerenn a-bezh) |
| Mare produiñ | 1937 - 1956 |
| Niver produet | 67.572 |
| Pouez ha muzulioù | |
| Mas (hep kartouchenn) | 0,720 kg |
| Hirder | 197 mm |
| Hirder ar c'hanol | 109 mm |
| Perzhioù all | |
| Tizh mont e-maez ar boledoù V0 | 345 m/s |
| Endalc'h | Karger fiñv 8 kartouchenn |
| Lezenn | |
| Rummad e Bro-C'hall | B |
Istor
kemmañEvel ar PA 35A eo ganet ar PA 35S diwar c'hoant arme Bro-C'hall da vezañ pourveziet gant un arm-dorn modernoc'h evit ar revolver Modèle 1892 goude ar Brezel-bed Kentañ. Soñjet e voe er bloavezhioù 1920 sevel ur bistolenn nevez kambret e 9 × 19 mm Parabellum, abalamour en doa diskouezet ar munision e efedusted etre 1914 ha 1918 e armoù evel ar Colt M1911 stadunanat hag al Luger P08 alaman. A-benn ar fin e prenas Frañs ur stock munisionoù 7,65 × 20 mm Long digant ar Stadoù-Unanet, ha daoust da wander ar gartouchenn-mañ e voe divizet implijout anezhi en armoù-dorn nevez[2].
Goude esaeoù e 1935 e voe kaset amprouennoù en arme c'hall gant meur a bistolenn. Div anezhe a voe dibabet : ar PA 35A savet gant an SACM, hag ar PA 35S ijinet er MAS. Ur mod e oa da adtapout dale Frañs war dachenn an armoù-dorn damaotomatek o klask produiñ muioc'h anezhe. Daoust da neuz damheñvel an div bistolenn, ne c'haller ket implijout pezh ebet eus unan evit lakaat war eben[3].
Produet e voe an arm e Saint-Étienne etre 1938 ha miz Even 1940. Goude ar brezel e voe degaset kemmoù d'al loc'henn-surentez. Ar stumm nevez, anvet PA 35SM1, a voe produet a-drugarez da genlabour meur a labouradeg betek 1956. Ouzhpenn 67.000 skouerenn eus an daou stumm a voe produet en holl[1].
Servijout a reas ar PA 35S en Eil Brezel-bed, e brezel Indez-Sina hag e hini Aljeria, memes ma voe kemeret he flas gant ar MAC 50 adalek 1950 tamm-ha-tamm .
Levrlennadur
kemmañ- (fr) BASTIÉ Jean-Pierre, Les armes réglementaires françaises en 7,65 Long - PA 1935 A & S, PM 1938, Crépin-Leblond, 2021, 208 p., ISBN 9782703004646
Liammoù diavaez
kemmañ- (fr) Deskrivadur ar PA 35S gant fotoioù war Arme et Passion
Daveennoù
kemmañ- ↑ 1,0 ha1,1 (fr) Le Pistolet automatique de 7,65 mm modèle 35S et 35SM1, war Armes Françaises (lennet d'ar 25/10/2024)
- ↑ (fr) Maître Luger, PA35A et PA35S – Le duo de pistolets français en 7,65 Long, Theatrum Belli, 21/03/2022 (lennet d'ar 25/10/2024)
- ↑ (fr) Le Pistolet automatique de 7,65 mm modèle 35A, war Armes Françaises (lennet d'an 18/09/2024)
