Plouyann

Plouyann a oa ur gumun eus Bro Dreger, e departamant Penn-ar-Bed, e Gwalarn Breizh.

Douaroniezh

• An Dourdu a ra ar vevenn etre Plouezoc'h ha Plouyann-Montroulez.

Anv

• Bernard Tanguy (1990) ː Plebs Johannis, 1149-1157 ; Plejehan, 1182 ; Plebs Johannis, c. 1300 ; Plojehan, 1407;.
• Erwan Vallerie (1995) ː Plebe Joannis, 1154 ; Ecclesia Christi de Pleian, 1190 ; Plebis Johannis, 1330 ; Ploejehan, 1407 ; Plojehan, 1516 ; Plouian, 1630 ; Ploujean, 1779.

N'ouzer ket hag-eñ e teufe hec'h anv eus ur Yann dianavez, pe eus an abostol Yann.

Istor

Krennamzer

• E-touez ar parrezioù kentañ savet er VI^vet kantved e voe, e tisrannas diouti e-pad ar Grennamzer parrezioù Sant-Melani ha Sant-Vazhev a savas gant parrez Sant-Martin, disrannet diouzh parrez Taole (he defe gallet bezañ anvet *Gwitaole), kêr Montroulez.

Dispac'h Gall

• Dekred ar 26 a viz Du 1790 war al le ret : e penn-kentañ 1791 e voe nac'het al le ouzh ar Roue, ar vro hag al lezennoù gant Lanlay, person, ha Roussel, kure.

XX^vet kantved

• Eil brezel-bed : implijet e voe nijva Plouyann gant al Luftwaffe (aerlu alaman). Bombezet e voe gant ar Royal Air Force en noz etre ar 17 hag an 18 a viz Gouhere ha d'ar 14 a viz Eost 1940. D'ar 26 a viz Gwengolo 1942 e voe bombezet an nijva gant nijerezioù bombeziñ B-17 gwarezet gant nijerezioù emgann P-38 eus an USAAF.
• E 1959 e voe staget Plouyann ouzh Montroulez.

Tud

François Scornet, bet barnet d'ar marv ha fuzuilhet e Jerzenez gant an nazied d'ar 17 a viz Meurzh 1941, e-kerzh an Eil brezel-bed.

Tud bet ganet eno

• Charles Cornic du Chesne, marc'hadour ha kourser breizhat, 5 a viz Gwengolo 1731.

Tud bet marvet eno

• Charles Cornic du Chesne, 12 a viz Gwengolo 1809.

Ardamezeg ar familhoù

Gillouart Aotrounez Kerfraval En argant e gebrenn en gul heuliet gant teir fempdiliaouenn ivez en gul.