Pontrev
kumun Aodoù-an-Arvor
Pontrev ([põn'trẽˑ][2], [põn'trɛw], [põ'trẽf]) zo ur gumun e Breizh e departamant Aodoù-an-Arvor, war ribloù an Trev, un 20 km bennak eus an aod, a zeu al lanv betek enni. Penn kanton e oa betek 2015.
| Pontrev | ||
|---|---|---|
 Ar rinier e Pontrev, ha bagoù bale, gwelet eus al lez dehoù. E kumun Pleuzal emañ al lez all. | ||
.svg)
| ||
| Anv gallek (ofisiel) | Pontrieux | |
| Bro istorel | Bro-Dreger | |
| Melestradurezh | ||
| Departamant | Aodoù-an-Arvor | |
| Arondisamant | Gwengamp | |
| Kanton | Pontrev (betek 2015) Bear (abaoe 2015) |
|
| Kod kumun | 22250 | |
| Kod post | 22260 | |
| Maer Amzer gefridi | Samuel Le Gaouyat 2014-2026 | |
| Etrekumuniezh | Gwengamp-Pempoull Arvor-Argoad Tolpad-kêrioù | |
| Bro velestradurel | Bro Gwengamp | |
| Lec'hienn web | (fr)Ti-kêr | |
| Poblañsouriezh | ||
| Poblañs | 1 000 ann. (2020)[1] | |
| Stankter | 980 ann./km² | |
| Douaroniezh | ||
| Daveennoù lec'hiañ | ||
| Uhelderioù | kreiz-kêr : 9 m bihanañ 7 m — brasañ 77 m | |
| Gorread | 1,02 km² | |
|
||
kemmañ  |
||
Anv kemmañ
Douaroniezh kemmañ
Pontrev zo bet savet en daou du d'ar stêr Trev (Treñv).
| Pleuzal |  |
Kemper-Gwezhenneg |
| Ploueg-Pontrev | Sant-Kleve |
Ur porzh bihan zo war lez an aber, ma vez diskarget traezh-mor ha kregin d'ober temz. Abaoe ar bloavezhioù 1980 e vez gwelet bagoù o c'hoañviñ war an Trev.
Kanton kemmañ
Kanton Pontrev zo bet enteuzet e kanton Bear e 2015.
Ardamezioù kemmañ
|
|
|
Istor kemmañ
Henamzer kemmañ
Kêr Bontrev zo bet savet war douaroù parrezioù Kemper-Gwezhenneg ha Sant-Kleve (Itron Varia ar Feunteunioù), en tu reter d'an Trev, ha parrez Pleuzal (Sant-Erwan), en tu kornôg d'an Trev.
XVIIIvet kantved kemmañ
- 19 Eost 1773 : dour-beuz hag a gas un neubeut tiez hag ar pont
- 3 Ebrel 1777 : tan-gwall hag a gas ul lodenn vras eus ar straed Galleries
- 25 Genver 1778 : dour-beuz
- 20 Gouere 1778 : dour-beuz
- Emgann Pontrev e 1792.
XXvet kantved kemmañ
- Mervel a reas 62 waz abalamour d'ar brezel hervez monumant ar re varv, da lavaret eo 3,46 % ag ar boblañs hervez an niveradeg bet graet e 1911[3].
- Kemeret e voe 20 000 Lur en ti-post, gant daou ezel eus ar Rezistañs moarvat, d’ an 3 a viz Even 1944, hervez danevell sizhuniek Titouroù Hollek Sant-Brieg[4].
- Mervel a reas 28 den eus ar gumun abalamour d'ar brezel[3].
Brezelioù didrevadennañ kemmañ
Brezel Aljeria kemmañ
- Mervel a reas tri soudard.
Monumantoù ha traoù heverk kemmañ
- Iliz katolik Itron Varia ar Feunteunioù.
- Feunteun
- An ti Eiffel, un ti kozh dirak an iliz.
- Monumant ar Re Varv
-
Milin ar Richel. -
Ti Tour Eiffel. -
Pont an hent-houarn dreist an Treñv. -
An iliz katolik . -
Monumant ar re varv (26 Ebrel 2008)
Emdroadur ar boblañs abaoe 1962 kemmañ
Niver a annezidi
Relijion gatolik kemmañ
E pardon ar Feunteunioù, e miz Gouhere, e vez lidet Itron Varia ar Feunteunioù. Heñvel eo ton kantik Itron Varia ar Feunteunioù ouzh hini Itron Varia ar Gozh Iliz, e Planiel.
Linenn hent-houarn kemmañ
Dre Bontrev e tremen al linenn Gwengamp-Pempoull, ha daou arsav zo :
- en arsavlec'h kreiz-kêr, anvet halte de Pontrieux, deuet da vout Pontrieux halte, gant an dreveziñ saozneg ;
- en ti-gar, e porzh Pontrev.
Tud brudet kemmañ
Tud bet ganet eno kemmañ
- Jacques Le Brigant, d'an 18 a viz Gouere 1720.
- Pierre-Marie Le Provost de Launay, maer.
- Yves Le Trocquer, ijinour ha politikour, ministr ha maer Pontrev, d'ar 4 a viz Here 1877.
- Loeiz ar Floc'h, beleg breizhat, barzh, prederour hag embanner, anavezet dindan e anv-pluenn Maodez Glanndour, ganet d'ar 7 a viz Meurzh 1909, marvet e 1986 e Louaneg.
Brezhoneg kemmañ
- Rimadell
-
- Me 'm eus ur mignon e Pontrev
- Daou 're, daou 're
- Ma zad a oa rouzmouzer
- Ma mamm a oa rouzmouzerez
- Ha me a zo rouzmouzer.
- Domini Patris,
- Sant Malo, Lomikêl ha Lokemo
- Me 'm eus kerent e Pontrev,
- N'onn ket pe int marv pe int bev.
- Krennlavaroù
- Ebeul Pontrev a vez lavaret eus ur c'houer teuc'h a sperad ha gros[5]
- Merc'hed Pontrev / Daou benn moal hag unan dev.[6]
- Kantik
- Kantik Itron Varia ar Feunteunioù.
Levrlennadur kemmañ
- (fr)J.B. Ogée : Dictionnaire de Bretagne; 1780.
- (fr)A. Marteville & P. Varin : warlec'hien ha reizherien Ogée; 1843.
- (fr)Yves Thomas : Pontrieux, petite cité du Trégor-Goëlo. Embannadurioù la Plomée. Gwengamp. 2002 (16x24. 611 p.)
Liammoù diavaez kemmañ
Notennoù ha daveoù kemmañ
- ↑ Roadennoù ofisiel e lec'hienn an EBSSA
- ↑ Cf. Nouvel atlas linguistique de la Basse-Bretagne kartenn 6.
- ↑ 3,0 ha3,1 (fr)Monumant ar re varv - Memorial Genweb
- ↑ (fr)Éric Rondel, En attendant le Débarquement en Bretagne du 15 août 1943 au 6 juin 1944, pajenn 276, Dastumadenn Guerres et Conflits, Embannadurioù Astoure, Pleherel, 2011
- ↑ (fr)Léopold-François Sauvé (1885). Proverbes et dictions de la Basse-Bretagne • Lavarou koz a Vreiz-Izel. Genève : Slatkine Reprints, 1986, p. 150 (ISBN 978-2-05-100101-4)
- ↑ [...] unan dev : kemmadur souezhus.