Prizieg

Prizieg a zo ur gumun eus kanton Gourin e departamant ar Mor-Bihan.

Prizieg
Chapel Sant-Erwan.
Anv gallek (ofisiel)	Priziac
Bro istorel	Bro-Gwened
Melestradurezh
Departamant	Mor-Bihan
Arondisamant	Pondi
Kanton	Gourin
Kod kumun	56182
Kod post	56320
Maer Amzer gefridi	Dominique Le Niniven 2014-2020
Etrekumuniezh	Roue Morvan Kumuniezh
Bro velestradurel	Bro Kornôg Kreiz-Breizh
Lec'hienn web	www.priziac.com
Poblañsouriezh
Poblañs	965 ann. (2020)
Stankter	22 ann./km²
Douaroniezh
Daveennoù lec'hiañ	48° 03′ 43″ Norzh 3° 24′ 29″ Kornôg
Uhelderioù	kreiz-kêr : 166 m bihanañ 56 m — brasañ 230 m
Gorread	44,63 km²
Prizieg

Anv

Stummoù skrivet

• Erwan Vallerie (1995) ː Brisiaci Sylva, 818; Prisiac, 1128; 1160; Prisciach, 1161; Prisiac, 1191; Parrochia plebis Prisiac, 1330; Presiac, 1376; Prisiac, 1387; Prissiac, 1430; Prisac, 1630

Gerdarzh

• Diwar an anv-den galianek-romanek Britius, graet e annez en Norzh d'ar c'hamp roman a oa e Berne.
• Memes anv den ha Brieg.

Ardamezioù

" Troc'het;

ouzh 1, rannet

- en sabel e groaz goñchek en argant,

- en gul e gammell eskob en aour.

ouzh 2, en argant e ziv dreustell kommek en glazur, ur rod milin dour en sabel difoupant diouzh an dreustell ouzh beg, ha balirant".

Degemeret gant ar Gumun e 1991; enrollet e 1992.

Istor

IX^vet kantved

• Deut da vrezeliñ ouzh Morvan Lez-Breizh e 818 e voe savet e gamp e Prizieg gant Loeiz an Deol, impalaer frank; e 1860 e voe kavet 2 000 pezh moneiz karolingian etre keriadennoù Beler ha Kervenac'h.

Dispac'h Gall

• Melestradurezh: krouet e voe ar gumun e 1790; gant al lezenn eus an 23 a viz Eost 1790 e voe lakaet e penn kanton Prizieg gant div gumun ennañ: Prizieg ha Sant-Tudal ; e Bann ar Faoued e oa; dilamet e voe kanton Prizieg gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix. Lakaet e voe Prizieg en Arondisamant Pondi bet krouet e 1800 hag e Kanton ar Faoued bet brasaet e 1801.

XX^vet kantved

Brezel-bed kentañ

• 104 gwaz hervez marilhoù ar gumun, 134 hervez monumant Santez-Anna-Wened, 132 hervez monumant ar re varv (d.le. 4,39 % ag ar boblañs hervez an niveradeg bet graet e 1911 ) eus ar gumun, a gollas o buhez abalamour d'ar brezel.
• Fuzuilhet e voe ur milour breizhat bet ganet er gumun gant al lu gall d'an 21 a viz Du 1915.

Eil Brezel-bed

• 1940, Repuidi-brezel: d'an 10 a viz Even 1940 e oa 291 repuad e Prizieg; 24 anezhe n'oant ket distroet d'ar gêr c'hoazh d'ar 1añ a viz Gwenholon 1940.
• 1944:
  • d'an 31 a viz Mae e voe taget an ti-post gant tud eus ar Rezistañs met ne voe kemeret blank ebet gante, ha d'ar 6 a viz Even e voe tapet 6 100 Lur gante.
  • e miz Even, daou zen ag ar Rezistañs a voe lazhet gant an Alamaned pa voe taget kamp paotred ar strouezheg e Kerfur; pevar ezel all ag ar Rezistañs a voe fuzuilhet e Bodkenven; e Miz Gouere, seizh den ag ar Rezistañs a voe fuzuilhet e Karnal-Vihan; daou ezel arall ag ar Rezistañs a voe lazhet er gumun.

Monumantoù ha traoù heverk

• Chapel Sant-Erwan.

Emdroadur ar boblañs abaoe 1790

Tud

Tud bet ganet eno

• Joseph Marie Le Parc, d'ar 14 a viz Genver 1882, soudard er 262vet Rujumant Troadegiezh, soudardaet en Oriant, bet fuzuilhet gant al Lu gall e Moulin-sous-Touvent (departamant Meuse, Bro-C'hall) d'an 21 a viz Du 1915 e-pad ar Brezel-bed kentañ.

Ardamezeg ar familhoù

	de Volvire Aotrounez an Dreorz	Goudreustellet a zek pezh etre aour ha gul

Liammoù diavaez

• (br) Prizieg war lec'hienn Geobreizh