Purgator Sant Padrig

Purgator Sant Padrig (Purgadóir Naoimh Phádraig en iwerzhoneg, St Patrick's Purgatory e saozneg, Purgatorium Sancti Patricii e latin) zo ul lec'h-pirc'hirinañ en Iwerzhon a zo bet brudet er Grennamzer. Emañ en Inis an Turais ("Enez ar Birc'hirinded")^[1] (Station Island e saozneg), e Loch Dearg, e Kontelezh Dún na nGall.

*Station Island*, adal Loch Dearg, e Kontelezh Dún na nGall, en Iwerzhon.

Ur manati a oa en unan eus inizi Loch Dearg, ha dont a ra tud da birc'hirinañ di bep bloaz e koun sant Padrig a vije bet o vevañ eno er V^vet kantved. Diwar-benn ar birc'hirinded-se e voe skrivet an dornskrid brudet Tractatus de Purgatorio Sancti Patricii.

Hervez ar vojenn, er V^vet kantved, e teuas Jezuz da ziskouez ur vougev da Sant Padrig, a vije bet toull-dor ar Purgator^[2].

Istor

Kemmañ a ra lec'h Purgator Sant Padrig hervez ar skridoù. Kentañ ma voe meneget a oa gant ar manac'h saoz Josselin, pe Jocelin, eus Furness e Lancashire, en 1183^[3]. Hervezañ e oa al lec'h santel war ar menez Cruachán Aigle, pe Croagh Patrick (Cruach Phádraig e gouezeleg), e kontelezh Maigh Eo.

Gerallt Gymro, eskob kembreat, a veneg Enez ar Sent e Loch Dearg e Dún na nGall en e Topographia Hibernica en 1187.

Meneget eo gant Rabelais e Gargantua, a ra anv eus toull Sant Padrig.
El Purgatorio de San Patricio, gant Calderón de la Barca;
Meneget eo en Histoire des voyages de Scarmentado écrite par lui-même gant Voltaire e 1756.
Station Island zo ur varzhoneg hir gant Séamus Heaney diwar-benn e droiad-birc'hirinañ di.
Meneget eo bet ivez gant barzhed all, evel Denis Devlin ha Patrick Kavanagh.
E-barzh "The Lough Derg Pilgrim"^[4] e kont ar skrivagner iwerzhonat William Carleton e droiad dre eno, ma tilezas ar soñj da vout beleg katolik, evit bezañ beleg eus Iliz Iwerzhon.
E Purgadóir Naoimh Phádraig e c'hoarvez eil hanter ar pezh-c'hoari brezhonek Louis Eunius ou Le Purgatoire de Saint Patrice (1793-1800).

Pennadoù kar

Liammoù diavaez

(en) Lec'hienn ofisiel

Notennoù

↑ logainm.ie
↑ Bieler, Ludwig. "St. Patrick's Purgatory: Contributions towards an Historical Topography.” The Irish Ecclesiastical Record 93 (1960): 137–44.
↑ François Bouillon : Vie et purgatoire de saint Patrick, Éditions Jérôme Millon, 2005.
↑ http://www.worldcat.org/title/father-butler-the-lough-dearg-pilgrim/oclc/65662793

[1] .ie

[2] Bieler, Ludwig. "St. Patrick's Purgatory: Contributions towards an Historical Topography.” The Irish Ecclesiastical Record 93 (1960): 137–44.

[3] François Bouillon : Vie et purgatoire de saint Patrick, Éditions Jérôme Millon, 2005.

[4] ttp://www.worldcat.org/title/father-butler-the-lough-dearg-pilgrim/oclc/65662793

[1]

[2]

[3]

[4]