Tour-tan ar Minou
Tour-tan ar Minou zo un tour-tan savet e beg ar Minou, e kumun Plouzane, e Bro-Leon. Asambles gant tour-tan ar Porzhig e tiskouez d’ar voraerien a zeu eus an donvor an hent da vont e-barzh morlenn Brest dre ar Mulgul.
 | |
 | |
| Lec’h | Plouzane, Frañs |
|---|---|
| Daveennoù lec'hiañ | |
| Tour | |
| Savet | 1848  |
| Emgefreekaet | 1989 |
| Uhelder | 24 metr |
| Uhelder diwar live ar mor | 34 metr |
| Statud gladel | e renabl hollek an herezh sevenadurel |
| Gweladenniñ | ne reer ket |
| Annezet | n’eo ket |
| Gouloù | |
| Uhelder fokalenn | 34 metr |
| Diraez | 19 mil-mor |
| Doareenn ar sinal | Fl(2) WR 6s |
Savet eo bet war ur garreg zo stag ouzh an douar-bras war-bouez ur pontig. Savet e voe gant mein Kersanton ha gant greunvein eus an Aber Ildud. En e gichen ez eus un tourig all, a oa arouezva ar morlu.
En XIXvet kantved e oa bet enaouet tour-tan Beg Lokmazhe, pelloc'h er c'hornôg. Fellout a rae d’ar Morlu kaout tourioù-tan all da heñchañ ar voraerien da vont betek porzh bras Brest. Savet e voe tour-tan ar Minou, a-benn ar fin, e 1848, war ur garreg a oa dirak ur c’hreñvlec’h a oa d’ar morlu, e Plouzane. E 1989 eo oa bet lakaet da vont en-dro emgefre. Bremañ eo pellgontrollet eus tour-tan ar C'hreac'h en Eusa.
Liammoù diavaez
kemmañ
- Ministrerezh ar Sevenadur, base Mérimée, fichenn niv. IA29000460
- Tour-tan ar Minou e lec’hienn DIRM NAMO (direction interrégionale de la mer Nord Atlantique-Manche Ouest)
- Fichenn Tour-tan ar Minou e lec’hiennn DDTM 29
- Phares à travers le monde Skeudennoù