Jean de La Fontaine
Jean de La Fontaine, meneget alies evel Yann ar Feunteun, e brezhoneg, a oa ur skrivagner gallek eus ar XVIIvet kantved, brudet e fablennoù, savet diwar skouer re Aisopos ha Phaedrus. Skrivet en deus ivez kontadennoù ha traoù all a bep seurt.
E vuhez
kemmañGanet e oa d'an 8 a viz Gouere 1621 e Château-Thierry, ha marvet d'an 13 a viz Ebrel 1695 e Pariz) .
Skoliata (1641-1658)
kemmañStudiañ a reas e kolaj Château-Thierry ha deskiñ latin, met tamm gregach ebet. En 1641 e krogas gant micher ar velegiezh, e Kenvreuriezh an Oratoer. Met adal 1642 e tilezas an hent-se ha gwelloc'h e kavas lenn L'Astrée, gant Honoré d'Urfé, ha Rabelais, kentoc'h eget Saint Augustin.
Adstagañ a reas gant studi ar gwir, ha daremprediñ barzhed yaouank, en o zouez Pellisson, François Charpentier, Tallemant des Réaux, hag Antoine Rambouillet de La Sablière, a zimezo gant ar vaouez a vo e warezourez.
Brud e Breizh
kemmañBrudet eo bet La Fontaine e-touez ar vrezhonegerien, ha Yann ar Feunteun a veze graet anezhañ alies zoken. Meur a zen zo bet o treiñ darn eus e oberennoù :
- Eozen Kombod
- Prosper Proux (1811-1873)
- Gwilherm Rikou
- Émile Ernault
- Paotr Treoure
- Stefan ar Strad
- Pierre Désiré de Goësbriand
- Daniel Doujet (ganet e 1956)
Levrlennadur
kemmañ- Fablennoù Jean de la Fontaine troet e brezhoneg gant Yves Louis Marie Combeau ha Daniel Doujet, embannadurioù Al Lanv, 2005 (ISBN 2-95117-216-8), ennañ e kaver an holl fablennoù e brezhoneg.