Suzana

Suzana (pe Suzanna a-wechoù) zo un anv-badez brezhonek ha portugalek, roet d'ar plac'hed. E gavout a reer en Testamant Kozh, koulz hag en Testamant Nevez.

Gerdarzh

Dont a ra ar ger eus an arameeg : eus ar ger " שושנה " /Shoshannah, tremenet en hebreeg, hag a dalv kement ha lili.

En hebreeg a vremañ e talv Shoshana kement ha rozenn, ur ger a servij evel anv-badez ivez.

Istor

Suzanna zo un anv a gaver en Testamant Kozh, e Levr Daniel, koulz hag en Testamant Nevez, en Aviel Sant-Lukaz. Implijet e veze e deroù ar gristeniezh ha goude ez eas diwar c'hiz betek ar XVI^vet kantved pa oa implijet a-nevez gant ar Brotestanted ha puritaned Bro-Saoz abalamour ma oa diouzh ar c'hiz an anvioù kavet er Bibl en o zouez. Abaoe eo deuet da vout un anv klasel.

Yezhoù all

Susan e saozneg, met meur a stumm saoznek all zo.
- berraet e Suzy, Suzie, pe Sue
Susana e spagnoleg
Susanna e finneg, italianeg, saozneg ha svedeg
Susannah e saozneg
Susanne en alamaneg, daneg , norvegeg
Susano en esperanteg
Suzanna e saozneg
Suzanne e galleg
- berradurioù : Suzette, Suzon, Suzy, Susie, Suzel, Suzelle
Zuzana e slovakeg ha tchekeg
Zuzanna e poloneg
Zsuzsanna e hungareg
Chochana, Shoshana en hebreeg
Жужана e serbeg

Suzana ar Bibl

En Testamant Kozh en e gaver e Levr Daniel. Gwelout ar pennad Suzana (Bibl).
En Testamant Nevez en e gaver en Aviel Lukaz. Suzana zo anv unan eus ar maouezed a vez da-heul Jezuz en e valeadennoù hag en sikour gant he madoù.

Tud

An aktorez vrazilian Suzana Alves

Suzana, kanerez portugalat
Suzana Abranches, aktorez vrazilian
Suzana Alves, aktorez vrazilian
Suzzanna, aktourez indonezat
Zsuzsa Polgár, mestrc'hoarierez echedoù hungarat

Gouel

Lidet e vez Santez Suzana d'an 11 a viz Eost.

Oberennoù

Kalzik a oberennoù zo bet awenet gant Suzanna an Testamant Kozh.

Gwelout : Suzana hag ar gozhidi.

Met maouezed all heñvelanvet o deus awenet oberennoù all.

Kanaouennoù

Gwelout : Susanna, Susannah, Suzanne.

Kelaouennoù

La semaine de Suzette

Lec'hanvadurezh

Suzanápolis, e Brazil
Gwelout Suzanna.