Jacopo Tintoretto

Tintoretto, pe Jacopo Tintoretto (1518-1594), zo ul livour italian, eus ar XVI^vet kantved, unan eus re vrudetañ skol Venezia, hag an diwezhañ eus livourien veur an Azginivelezh italian.

Emboltred Tintoretto.

E anv

Jacopo Comin e oa e wir anv. Kement-se ne oa ket anavezet ken e oa bet kavet gant Miguel Falomir, penn kevrenn al livouriezh italian e Mirdi ar Prado, e Madrid, hag embannet a-benn ar fin da-geñver diskouezadeg veur oberennoù Tintoretto e mirdi ar Prado.

En yaouank e veze graet Jacopo Robusti anezhañ, war-lerc'h e dad, abalamour ma oa un den kreñv a'r c'hreñvañ, hag en devoa difennet perzhier Padova a-enep soudarded an Impalaer santel.

Dont a ra e lesanv Tintoretto eus micher e dad, Battista Robusti, a laboure en ul liverezh dilhad ("tintorìa" en italianeg).

E vab Domenicho ivez a veze lesanvet heñvel (gwelout Domenicho Tintoretto).

E yaouankiz

Magdalena penitente, gant Tintoretto (1598-1602). Musei Capitolini, Roma.

Ganet e oa d'an 29 a viz Gwengolo e 1518 e Venezia, hag eno e varvas d'an 31 a viz Mae 1594.

Diskibl e oa d'al livour meur Tizian. Diouzh a lavarer e oa trec'h d'e vestr evit c'hoari gant al livioù hag ar skeudoù. Marteze eo se zo kaoz ma ne chomas nemet un toullad mizioù gant ar mestr. Troet e oa gant doareoù ar mannierismo toskan ha roman a veze skignet e Venezia gant tud evel Sansovino, Salviati ha Schiavone.

Il Furioso a veze graet anezhañ abalamour d'an nerzh a zispigne da livañ. E zoare da implij ar gouloù a rae anezhañ ur rakbarok en ur stumm. E-touez e oberennoù brudetañ emañ an aridennad livadurioù diwar-benn buhez Jezuz ha Mari e skol San Rocco.

Meur a oberenn zo bet skrivet gant Jean Paul Sartre diwar-benn Tintoretto. Bri a zouge da Michelangelo Buonarotti a levezonas e zoare da dresañ.

Oberennoù brudetañ Tintoretto eo al livadurioù en deus graet eus buhez Jezuz hag ar Werc'hez, er Scuola Grande di San Rocco, ma voe anvet da ginkler ofisiel anezhi en 1564.

Taolennoù

• 
  Suzana hag ar gozhidi, 1555-56
• 
  Kavidigezh korf Sant Mark, wd. 1562
• 
  Dougen korf Sant Mark, 1562-1566, Gallerie dell'Accademia, Venezia
• 
  Orin ar Via Láctea, wd. 1575-1582
• 
  Danae, Mirdi an Arzoù Kaer, Lyon
• 
  Ar prokulor Marco Grimani, h. 1580
• 
  Ar goan ziwezhañ, 1592-94
• 
  1548, Gallerie dell'Accademia, Venezia
• 
  1565, Scuola San Rocco, Venezia
• 
  Maouezed o son, Gemäldegalerie Dresden
• 
  Jacopo Sansovino, 1560-70, Firenze
• 
  Poltred ur vaouez dispak he bruched
• 
• 
• 
  Bakus hag Ariadna, 1578, Dogenpalast Venezia
• 
• 
• 
• 
• 
  Sant Jord hag an aerouant, wd. 1560
• 
  Poltred ur vaouez dispak he bruched
• 
• 
• 
  Jacopo Sansovino, 1560-70, Firenze
• 
  Sant Jord hag an aerouant, wd. 1560
• 
  Federico II conquista Parma nel 1521( Federico II Gonzaga kemeret kêr Parma gantañ. Taolenn evit e vab Guglielmo Gonzaga, war-dro 1578-1580-

Pennad kar

• Oberennoù Tintoretto