Lanv du an Amoco Cadiz
An eoullestr "supertanker" Amoco Cadiz a yeas d'ar strad d'ar 16 a viz Meurzh 1978 a-dal da Borsal (lodenn gumun Gwitalmeze). 220 000 tonenn eoul-maen e oa o treuzkas, ar pezh a yeas d'ober ul lanv du eus ar gwashañ hag ar pempvet e istor ar Bed penn-da-benn. Daoust ma oa lec'hiet ar peñse e Bro-Leon, e touchas al lanv 320 km a aodoù ha 76 kumun, e Bro-Leon ha Bro-Dreger.
Brudet eo an Amoco Cadiz evit bezañ bet ar gwashañ gwalldaol ekologel e Breizh. Brudet eo ivez peogwir e voe al lanv du-se penn-kentañ ur stourm hir-hir etre ar Vretoned hag an embregerezh Amoco dirak lezioù-barn ar Stadoù-Unanet. Harozien ar stourm-se a voe Alphonse Arzel, maer Gwitalmeze, ha Jean-Baptiste Henry, eus Priel. D'ar 24 a viz Genver 1992, war-lerc'h 15 bloaz stourm eta, e voe kondaonet an Amoco da baeañ 225 million a lurioù d'ar Sindikad kemmesk a vode strollegezhioù publik Breizh (rannvro, departamantoù, kumunioù).
Gwelet ivez kemmañ
Levrlennadur kemmañ
Arzel (Alphonse), Le procès de l'Amoco Cadiz, Roazhon, Embannadurioù Ouest-France, 2004.
Rochard (Yvon), L'affaire Amoco, Telgrug, ArMen, 2005.
- Ouest en mémoire (Ina) - Dek vloaz goude peñse an Amoco Cadiz
- Ouest en mémoire (Ina) - An Amoco Cadiz 1978
- Lanv du an Amoco Cadiz war lec'hienn ar CEDRE
| Lanvioù du e Breizh |
|---|
| Torrey Canyon | Olympic Bravery | Böhlen | Columbus Noumea | Amoco Cadiz | Sea Valiant | Gino | Tanio | Brea | Amazzone | Erika | Ievoli Sun |
|
Porched ar Mor – Sellit ouzh pennadoù Wikipedia a denn da bed ar mor. |