Anna Mouradova

skrivagnerez brezhonek

Anna Mouradova, bet ganet А́нна Рома́новна Мура́дова Ánna Románovna Mourádova d’an 12 a viz Kerzu 1972 e Moskov, Rusia, zo ur yezhoniourez, skrivagnerez hag ur gazetennerez. Treiñ a ra romantoù ha danevelloù e brezhoneg hag e rusianeg.

Anna Mouradova e 2007
Anna Mouradova o tegemer priz Imram evit he labourioù e brezhoneg e Sant-Maloù d'ar 5 a viz Here 1998

BuhezAozañ

Ha ma veze komzet rusianeg er gêr, he deus desket ivez yezh he zad, an arameeg pe sirieg, hag a vez komzet en Iran, Irak, Siria ha broioù ar C'haokaz, hag e kreisteiz Rusia e troas e e spered ouzh meur a yezh. Deuet e voe he c'herentiezh eus Iran da Jorjia[1] e dibenn an XIXvet kantved. Desket he deus galleg ha saozneg er skol, ha latin ivez evit he flijadur.
Pa voe pemzek, dre ma oa dedennet Anna gant ar yezhoù keltiek he deus dibabet deskiñ brezhoneg hec’h-unan gant levrioù roet gant Viktor Kalygin, un enklasker war an iwerzhoneg. Da naontek vloaz eo aet Anna da zeskiñ donoc’h ar brezhoneg e Roazhon. Chomet eo e Breizh etre 1992 ha 1994. Plijout a ra ar yezhoù dezhi, ar re geltiek en o zouez, p'he deus desket ivez iwerzhoneg kozh, gresianeg kozh ha kerneveureg.
Eus 2001 da 2018 he voe gopret evit ober enklaskoù war ar brezhoneg e Skol Uhel ar Yezhoniezh e Moskov. Kelenn e reas ar galleg er MGIMO[2] ivez.
Aet eo-hi da chom e Tbilisi, e Jorjia e 2009 evit bezañ tost ouzh he c'herent-nes a voe deuet di. Kendalc'het he deus gant an ensklaskoù yezh e Skol-Veur Shota Rustaveli e Tbilissi.

StudioùAozañ

E Skol-Veur MGLU, ur skol-veur da zeskiñ alamaneg, galleg hag all, e studias Anna etre 1990 ha 1992. Da c’houde eo bet e Skol-Veur Roazhon etre 1992 ha 1994, a-drugarez d'ur yalc'had-studi debarzhet gant Skol-Uhel ar Vro. Distreiñ a reas da skol-veur MGLU etre 1994 ha 1997. Etre 1997 ha 2002 e savas un dezenn war yezh kontadennoù ar Vretoned.

OberennoùAozañ

Savet he deus danevelloù evit Al Liamm. Troet he deus e brezhoneg romantoù ha danevelloù evit brudañ ar skrivagnerien rusianek e metoù ar vrezhonegerien : Anton Tchec'hov, Viktor Astafiev, Vladimir Tendriakov ha Rezo Gabriadze (ur Jorjian anezhañ). Lakaet he doe da embann ul levr kontadennoù brezhonek troet e rusianeg ganti.

TroidigezhioùAozañ

diwar ar rusianeg etrezek ar brezhoneg
  • Rezo Gabriadze, Koutaisi, Embannadurioù Hor Yezh, 1994
  • Viktor Astafiev Ludotchka (peder danevell), Skrid, 1998.
  • Vladimir Tendriakov, Parania, Skrid, 1998.
  • War ar stern : troidigezh rusianek diwar Ma buhez e Rusia gant Jarl Priel.
diwar ar brezhoneg detrezek ar rusianeg
  • Un teskad kontadennoù hengounel

Savet gantiAozañ

PrizioùAozañ

Gounezet he doe priz Imram gant he romantoù e brezhoneg, ha roet e voe dezhi e Sant-Maloù d’ar 5 a viz Here 1998.

LevrlennadurezhAozañ

  • Un emgalv gant Anna Mouradova, tennet eus Ya!, nn 810, 18 a viz Kerzu 2020.


Notennoù ha daveennoùAozañ

  1. Bro-Jeorji e-barzh un diviz embannet e 2020.
  2. Skol Uhel an Darempredoù etrebroadel, Moskov.