Beltram Gwesklin

Beltram Gwesklin a oa ur goprsoudard eus ar Grennamzer, ezel eus unan eus koshañ tiegezhioù Breizh. Ganet e oa bet e 1320 e Bronn e-kichen Dinan, ha marvet e oa d'an 13 a viz Gouere 1380 dirak Châteauneuf-de-Randon, e bro Velai en Okitania. E servij roue Bro-C'hall Charlez V e voe, anvet da gonestabl Bro-C'hall gantañ. Unan eus tudennoù Roman national Bro-C'hall eo deuet da vezañ adalek an XIX^vet kantved.

Beltram Gwesklin

den

Reizh pe jener	paotr
Bro ar geodedouriezh	Frañs
Anv e yezh-vamm an den	Bertrand Du Guesclin
Anv-bihan	Bertrand
Titl noblañs	Kont
Deiziad ganedigezh	1320s, 1320
Lec'h ganedigezh	Bronn
Deiziad ar marv	13 Gou 1380
Lec'h ar marv	Chastèlnòu de Randon
Lec'h douaridigezh	Basilica of Saint-Denis, Monument du cœur de Bertrand du Guesclin
Breur pe c'hoar	Olivier du Guesclin
Pried	Jeanne de Laval-Tinténiac, Tiphaine Raguenel
Yezhoù komzet pe skrivet	krennc'halleg
Micher	milour, marc'heg
Karg	Constable of France
Deroù ar prantad labour	1335
Grad milourel	Constable of France, Constable of Castile
Skour lu	Lu

Delwenn war varc'h eus Beltram Gwesklin e Dinan

Yaouankiz Beltram Gwesklin

Mab henañ Roparzh II Gwesklin (1300-1353), aotrou la Motte-Broons hag e wreg Chann Malesmains (marvet e 1350), intron Sens. E vilded (lavaret a reer diwar e benn e oa « an hini divalavañ etre Roazhon ha Dinam ») hag e daerded a dalvezas dezhañ dismeg e dad.

Abalamour da se e voe dav dezhañ gounit doujañs an noblañs diwar-bouez beg e gleze. Merzet e voe adalek e yaouankiz abalamour d'e nerzh, d'e oueskter ha dre ma oa douget d'ar c'hann. E-pad un tournez a oa difennet dezhañ kemer perzh ennañ, e faezhas holl e enebourien, kent nac'hañ en em gannañ gant e dad en ur izelaat e c'hoaf dre zoujañs da vare ar c'hrogad (evit brasañ souezh an arvesterien). 15 vloaz e oa.

Kurioù kentañ

Dont a reas Gwesklin da vezañ brudet e 1357 o kemer perzh e difenn Roazhon a oa sezizet gant Yann Gent, dug Lancaster. Adoubet e voe neuze gant Eleastre Marès, e kastell Montmuran en Ivineg, hag hennezh a lakaas anezhañ Kabiten Pontorson ha Menez-Mikael-ar-Mor. Diskouez a reas e galonegezh e-kerzh ar brezel a rae e reuz etre Charlez Bleiz ha Yann Moñforzh evit hêrezh dugelezh Breizh oc'h harpañ kostezenn an hini kentañ.

Emgann an Alre, e Danevelladur Beltram Gwesklin gant Cuvelier

Gwesklin zo graet konestabl gant ar roue gall Charlez VI

Beltram Gwesklin harzet gant John Chandos e-kerzh Emgann an Alre e 1364.

Liammoù diavaez

• Ul lec'hienn diwar benn ar Brezel kant vloaz ha Gwesklin. Kentoc'h a-du gant Charlez Bleiz
• Gwesklin dirak Châteauneuf-de-Randon gant AMILO

Levrlennadur

Meur a vuhezskrid zo bet savet :

• Chroniques, Livre I, Chapitre CCCLVI, Jehan Froissart da lenn enlinenn
• Histoire de Bertrand du Guesclin, connestable de France et des royaumes de Léon de Castille, de Cordovë et de Séville, duc de Molines, comte de Longueville, etc. gant P.H.D.C. Pariz, L. Billaine, 1666, 1693 gant Paul Hay du Chastelet
• Histoire de Bertrand du Guesclin, Comte de Longueville, Connétable de France Reims - Le Batard - 1807 - 2 levrenn, Mame, 1877, gant Guyard de Berville.
• Chronique de Cuvellier, en vers, embannet gant Charrière, 1845.
• Alexandre Mazas (1797-1856), Bertrand Duguesclin, connétable de France : Dugueslin combat les Anglais et sauve le royaume. – [Reproduction en fac-similé] – Nîmes : C. Lacour, dastumad « Rediviva », 2005. – 240 p., 21 cm. – ISBN 2-7504-0775-3. – Fac-similé al levrenn 3, 2vet lodenn, eus an embannadur kentañ, Pariz : E. Devenne, 1828, embannet en dastumad « Vies des grands capitaines français du Moyen Âge ».