Dijon

Dijon
Norzh Dijon gwelet eus an Tour Philippe le Bon, gant Iliz Itron-Varia Dijon en dalenn gentañ.

Bro	Bourgogn
Melestradurezh
Stad	Frañs
Rannvro	Bourgogne-Franche-Comté (prefeti)
Departamant	Côte-d'Or (prefeti)
Arondisamant	Dijon (pennlec'h)
Kanton	Pennlec'h c'hwec'h kanton
Kod kumun	21231
Kod post	21000
Maer Amzer gefridi	François Rebsamen (PS) 2020-2026
Etrekumuniezh	Communauté d'agglomération du Grand Dijon
Lec'hienn web	https://www.dijon.fr/
Poblañsouriezh
Poblañs	159 106 ann. (2020)^[1]
Stankter	3 937 ann./km²
Douaroniezh
Daveennoù lec'hiañ	47°19′18″N 5°2′29″E
Uhelderioù	kreiz-kêr : 245 m bihanañ 210 m — brasañ 410 m
Gorread	40,41 km²
kemmañ

Dijon eo anv pennlec'h departamant gall ar c'h-Côte-d'Or, e rannvro Bourgogn-Frank-Kontelezh. 158 002 annezad he doa ar gêr e 2019, ha 245 895 an unvez kêrel, ar pezh a ra anezhi an hini vrasañ eus ar rannvro.

Istor

Divio e oa anv kêr pa oa dalc'het gant al Lingoned a-raok aloubadeg ar Romaned.

Taolennet e voe kêr hag he mogeriad gant Gregor Teurgn er VI^vet kantved.

Kêr-benn dugelezh Bourgogn e voe adalek ar XIV^vet kantved. Staget e voe Bourgogn ouzh Bro-C'hall e 1477.

Monumantoù ha traoù heverk

Itron-Varia Dijoñ
Palez Duged Bourgogn
Tour Sant-Nikolaz
plasenn Darcy
Kêr an hevlezouriezh

Iliz-veur Dijon

Douaroniezh

Emañ Dijoñ e Bourgogn, 190 km e Gwalarn Geneva, 190 km e Norzh Lyon ha 310 km e Gevred Pariz. Treuzet eo gant div stêr : ar Suzon hag an Ouche, hag ivez Kanol Bourgogn.

E Norzh gwinieg Bourgogn emañ.

Emdroadur ar boblañs 1793-2008

^[2]

Melestradurezh

Pemp kanton zo e Dijoñ. Kumuniezh tolpad-kêrioù Dijoñ zo deuet da vezañ ur veurgêr d'an 28 a viz Ebrel 2017, o vodañ 23 c'humun.

Prefedelezh departamant Côte-d'Or ha rannvro Bourgogn-Frank-Kontelezh eo war an dro. E Dijoñ emañ sez ar C'huzul Departamant, sez ar Rannvro zo e Besançon avat.

Tud

Jean-Philippe Rameau (1683-1764), sonaozer. Mirdi Arzoù-kaer Dijoñ.

Da vare Dugelezh Bourgogn e voe ganet e Dijoñ meur a zug : Yann Dizaon (1371-1419), Fulup ar Mat (1393-1467) ha Charlez an Her (1433-1477).

Adalek an Adinvidigezh e ganas kalz lennegourien, arzourien ha skiantourien evel ar skrivagner Bossuet (1627-1704), ar sonaozer Jean-Philippe Rameau (1683-1764), ar barzh Aloysisus Bertrand (1807-1841 - tremenet e yaouankiz e Dijoñ), an ijinour Gustave Eiffel (1832-1923).

En amzer a-vremañ e c'haller menegiñ ar chaloni Kir (1876-1968) ha an aktourez Claude Jade (1948-2006).