Ewen

Ewen zo un anv-badez hag un anv-tiegezh brezhonek. Ur stumm eus Erwan e vefe, met koshoc'h eget Sant Erwan e c'hallfe bezañ ivez. Tennañ a rafe e anv eus an ivin.

Stumm saoznek an anv gouezelek Eòghann eo ivez, kavet e Bro-Skos ha Kanada dreist-holl. Ur c'hlan MacEwen zo ivez.

E yezhoù all

• Even, Eveno hag Evenou eo stummoù gallekaet an anvioù-familh brezhonek
• Owen e kembraeg
• Ouen e galleg

Tud

Anv-badez :

• Ewen, kardinal marv e 1081 e Dol
• kont Even pe Neven, lesanvet Even ar Braz, diazezer dinastiezh Kontelezh Leon ha diazezer Lesneven er X^vet kantved
• Ewen Brenner (g. e 1972), aktour skosat
• Ewen Costiou (g. e 2002), marc'houarner breizhat

Breizh

• Louis Even (1885-1974), lean ha mouller breizhat divroet da Ganada
• Pêr Even (1919-2002), Jil Ewan e anv-pluenn, yezhour
• Arzel Even (1921-1971), anv-pluenn Jean Raymond François Piette, yezhour.
• Danièle Évenou (g. e 1943), aktourez
• Patrik Ewen, konter
• Erwan Evenou (1940-2020), yezhour ha skrivagner brezhonek
• Mai Ewen, anv-pluenn Huguette Gaudart, skrivagnerez vrezhonek
• Nathalie Even (g. e 1970), marc'hhouarnerez

 Bro-C'hall

• André Even (1926-2009), c'hoarier basket-ball

Bro-Saoz

• Jade Ewen (g. e 1988), kanerez

 Luksembourg

• Pierre Even, sonaozer

A bep seurt

• ar stroll Even e Plouzeniel, ur stroll agrobouederezh kevelourel

Pennadoù kar

• Even, ur pennad disheñvelout
• Owen
• Ewan
• Iwan