Goulven Jacq
Goulven Jacq a oa skrivagner brezhonek, ganet e Plougastell e 1913, ha marvet e Kiberen d’an 18 a viz Genver 1993. Ganet e oa bet en ur familh paour eus Plougastell ha chomet e oa paour a-hed e vuhez. E vugaleaj a gont en e levr eñvorennoù “Pinvidigezh ar Paour”.
| Reizh pe jener | paotr  |
|---|---|
| Bro ar geodedouriezh | Frañs |
| Anv-bihan | Goulven |
| Anv-familh | Jacq |
| Deiziad ganedigezh | 1913 |
| Lec'h ganedigezh | Plougastell-Daoulaz |
| Deiziad ar marv | 18 Gen 1993 |
| Lec'h ar marv | Kiberen |
| Yezhoù komzet pe skrivet | brezhoneg, galleg |
| Micher | skrivagner |
| Goulven Jacq | |
|---|---|
| Obererezh | Skrivagner, troour |
| Ganedigezh | 1913 e Plougastell,  Kerne,  Breizh
|
| Marv | 18 Genver 1993 e Kiberen,  Bro-Wened, Breizh
|
| Yezh skrivañ | Brezhoneg |
| Enorioù | Priz Langleiz e 1976 |
| Oberennoù pennañ | |
| Pinvidigezh ar paour | |
kemmañ  |
|
Goulven Jacq e-pad an Eil Brezel-bed kemmañ
Er Vezen Perrot e oa bet e dibenn an Eil Brezel-bed gant ar renk a SS-Oberscharführer (gant al lesanv “Maout”). Gloazet e voe en dorn memes d'ar mare ma varvas Auguste le Deuff lesanvet Verdier, lazhet gant ur paotr eus ar strouezheg a guzhas ur bistolenn en e vered pa voe harzet ha pa dennas warno.
Goulven Jacq goude ar brezel kemmañ
War-lerc’h ar brezel en doa kavet repu e Spagn, e kamp Miranda de Ebro. Goude e oa aet da chom da Vrazil hag e São Paulo e oa chomet e-pad 8 vloaz. Eno en doa savet ur gelaouenn vrezhonek anvet An Trede Diskuliadur ma tisplege kredennoù ar speredourien eus Brazil.
An distro da Vreizh kemmañ
Ur wech distroet da Vreizh en doa graet e annez e Sant-Brieg ha graet en doa skol vrezhoneg en Oaled Abherve. Bloavezhioù diwezhañ e vuhez en doa tremenet e Kiberen. Desket en doa mat meur a yezh ha pa oa marvet e laboure war ur geriadur brezhoneg-nederlandeg, ur yezh en doa desket e kamp Miranda de Ebro.
Oberennoù kemmañ
- Pinvidigezh ar paour, Al Liamm, 1977 (((Priz Langleiz]])
- Ar Wastell, embannet en Al Liamm, niv.204 ; Eil priz Per Trepos, roet gant France Régions 3, a oa bet roet da C’houlven Jacq evit ar gontadenn-se e 1980
- E gwinieg an tad, niv. 137 Hor Yezh, 1981
- E bro ar richer c’hlas gant Francisco Cândido Xavier, lakaet e brezhoneg gant Goulven Jacq, Hor Yezh, 1983
- dornskrid diembann ur geriadur nederlandeg ; gant e zanvez eo bet savet geriadur Jan Deloof ([1])
Levrlennadur kemmañ
- Lionel Henry, Dictionnaire biographique du mouvement breton, Yorann embanner (432 pajenn), miz Du 2013 ( ISBN 978-2-916579-59-7)