Jakez, mab Zebedea (abostol)

Jakez an Henañ pe ar C'hoshañ (hebraeg: יעקב בן־זַבדַי‎ Ya'akov Ben-Zebdi; aramaeg: Ya'akov Bar-Zebdi; gresianeg: Ἰάκωβος; spagnoleg: Santiago el Mayor, Santiago Matamoros), zo unan eus an daouzek abostol o deus heuliet Jezuz Krist, ha « Jakez, mab Zebedea » , a vez graet anezhañ en Testamant Nevez. Mab eo da Zebedea eta ha da Mari Salome.

Sant Jakez an Henañ, hervez Albrecht Dürer e 1516

Sant Jakez an Henañ, hervez Rembrandt e 1661

Breur henañ an abostol Yann eo, ha Jakez an Henañ, pe ar C'hoshañ a vez lavaret anezhañ abalamour da se, hag evit lakaat kemm etre eñ hag an abostol all « Jakez mab Alfe ». Eus Jakez hag e vreur Yann e vez graet ar Boanerges anezhe o-daou er Bibl, da lavaret eo « Mibien ar gurun » (Mazhev IV:21-22).

E-touez ar re gentañ eus an Ebestel e oa, hag unan eus ar re dostañ da Jezuz. Gant Pêr ha Yann e oa er mareoù a-bouez, da vare an treuzneuziañ war Menez an Olivez ha da goulz e varv.

Lakaet eo bet da sant gant an Iliz katolik.

Jakez ha Santiago

Santiago a-enep an Islam

Delwennig da Santiago Matamoros en Carrión de los Condes.

Gant ar roue Alfonso hag e warlerc'hidi e voe troet an abostol da arouez er brezel a-enep an islam, evel-se eo ganet mojenn ar Santiago Matamoros, Sant Jakez lazher Mored, a veze brudet a-hed Hent Sant Jakez.

Er bloaz 859 e lavaras ar roue Ordoño Iañ Asturiez e oa bet trec'h war ar Vored en Emgann Clavijo abalamour m'en doa gwelet Santiago Matamoros.

Levrlennadur

• Abad Georges Berson, Avec saint Jacques à Compostelle ISBN 2-220-05603-1
• Ferdinand Soler, Guide pratique du Chemin de Saint-Jacques de Compostelle ISBN 2-84454-334-0

Voir aussi

• Roll an ebestel

{{commons|Category:Saint James the Great|Saint Jacques le Majeur}