Kaouenneg

Kaouenneg a zo ur gumun a-wezhall eus Breizh e departamant Aodoù-an-Arvor. Ul lodenn eus kumun Kaouenneg-Lanvezeeg eo bremañ.

Douaroniezh

• War lez ar Gindi, e Bro-Dreger, emañ.

Istor

• Gwechall-gozh e oa un drev e parrez Kawan, en eskopti Treger.

Dispac'h Gall

• E 1790 e voe krouet kumun Kaouenneg.

XX^vet kantved

Brezel-bed kentañ

• Mervel a reas c’hwezek gwaz eus ar gumun abalamour d'ar brezel, eleze 3,23% ag ar boblañs hervez an niveradeg bet graet e 1911; unan anezhe a voe lazhet e Boezinge e Flandrez Belgia d’an 22 a viz Ebrel 1915, soudard e oa en 73vet Rujumant Troadegiezh Tiriadel.

Kendeuziñ

• Staget e oa bet ouzh Lanvezeeg e 1974 da vont d'ober kumun Kaouenneg-Lanvezeeg.

Monumantoù ha traoù heverk

• 
  An iliz katolik ha monumant ar re varv.
• 
  Ar groaz.

• Iliz katolik Intron-Varia, bet savet er XV^vet kantved, adsavet e 1865, en ur viret an tour-iliz bet savet e 1760. Distrujet e oa bet tour an iliz gant ar gwallamzer e miz C'hwevrer 1881 hag adsavet e oa bet da c'houde.
• Ur groaz e-tal an iliz.
• Monumant ar re varv dirak an iliz katolik, luc’hskeudenn.

Melestradurezh

• Le Fiblec a oa maer e 1837 ha Brichet e 1860.

Tud brudet

• Ernest ar Barzhig a oa bet ganet e Kaouenneg.

Pennadoù kar

• Kaouenneg-Lanvezeeg,
• Lanvezeeg.