Kaouenneg-Lanvezeeg

Kaouenneg-Lanvezeeg
Ar maerdi.
Anv gallek (ofisiel)	Caouënnec-Lanvézéac
Bro istorel	Treger
Melestradurezh
Departamant	Aodoù-an-Arvor
Arondisamant	Lannuon
Kanton	Lannuon (betek 2015) Bear (abaoe 2015)
Kod kumun	22030
Kod post	22300
Maer Amzer gefridi	Jean-François Le Guével 2014-2020
Etrekumuniezh	Lannuon-Treger Kumuniezh
Bro velestradurel	Bro Treger ha Goueloù
Lec'hienn Web	Ti-kêr
Poblañsouriezh
Poblañs	899 ann. (2020)
Stankter	127 ann./km²
Douaroniezh
Daveennoù lec'hiañ	48° 42′ 16″ Norzh 3° 22′ 28″ Kornôg
Uhelderioù	kreiz-kêr : 70 m bihanañ 34 m — brasañ 105 m
Gorread	7,07 km²
Kaouenneg-Lanvezeeg

Douaroniezh

Kaouenneg-Lanvezeeg a zo ur gumun eus Breizh e Treger, e kanton Bear e departamant Aodoù-an-Arvor.

• Bevennet eo ar gumun ouzh kornog gant ar stêr Gindi.
• Kumunioù stok ouzh Kaouenneg-Lanvezeg ː Lannuon (Bulian); Rospezh; Lanvilin; Kemperven; Kawan; Tonkedeg

Anv

Kaouenneg

• Erwan Vallerie ː Treff de Couhannec, 1476; Cahouenec, 1630; Cavennec, 1731
• Gerdarzh ː

Lanvezeeg

• Erwan Vallerie ː Lanvezeoc, 1516; Lanvezeac, 1516
• Gerdarzh ː

Ardamezioù

N'ez eus ket evit ar poent

Istor

Lanvezeeg a oa da gentañ ul lodenn bet distaget eus Kawan, ha deuet eo da vezañ ur barrez emren, ne c'houzer ket pegoulz. Savet e voe da gumunn e 1790, e kanton ar Roc'h-Derrien. Staget e voe an iliz ouzh hini Mantallod e 1804, hag ouzh hini Kaouenneg e 1805. E 1974 e voe distaget ar gumun diouzh kanton ar Roc'h, ha staget gant Kaouenneg e kanton Lannuon.

Adalek 2015 emañ en arondisamant Lannuon, etrekumuniezh Lannuon-Treger, mes e-barzh kanton Bear, arondisamant Gwengamp ! Ur sapre kudenn evit sekretourva an ti-kêr !

• 
  Paotr al lizhiri ne dremenn ket ken dre Lanvezeeg (skeudenn bet tennet e 2001).

XX^vet kantved

Brezel-bed kentañ

• Mervel a reas 27 gwaz eus kumunioù Kaouenneg ha Lanvezeeg a gollas o buhez abalamour d'ar brezel hervez monumant ar re varv, da lavaret eo 4,45 % eus poblañs an div gumun hervez an niveradeg bet graet e 1911.

Eil Brezel-bed

• Mervel a reas pevar den ag an div gumun abalamour d'ar brezel.

Krouidigezh ar gumun

• Savet eo bet diwar gendeuz div gumun e 1974, gant dekred ar 17 a viz Here, hini Kaouenneg diouzh un tu, ha hini Lanvezeeg diouzh an tu all. Lakaet eo bet ar pennlec'h e bourk Kaouenneg.

Monumantoù ha traoù heverk

Iliz katolik Kaouenneg

Diavaez

• 
  Iliz bourg Kaouenneg. Kartenn-bost, war dro 1960.
• 
  Iliz bourg Kaouenneg. Kreisteiz. war dro 2005
• 
  Iliz bourg Kaouenneg. war dro 2005
• 
  Kroaz verr an iliz, gant brug

Diabarzh

• 
  Itron Varia Gaouenneg
• 
  Sant Yann Avielour
• 
  Chas-Geu

Iliz katolik Lanvezeeg

Diavez

• 
• 
  Enskrivadur
• 
  Skalieroù an tour
• 
  Ul leon e-barzh moger ar vered
• 
  Linennoù a-led a ziskouez al liv glaz. Ne ouzer ket liv al leon. Familh da glask.

Diabarzh

• Maner Runaodren.
• Maner ar Roc'hoù; XVII (en e boull).

Emdroadur ar boblañs abaoe 1962

Niver a annezidi

Brezhoneg

• D’ar 7 a viz Gouere 2006 e oa bet votet ar garta Ya d'ar brezhoneg gant kuzul-kêr ar gumun. Al live 1 oa bet roet d'ar gummun.

Tud

• Claude Rannou, bet ganet e Lanvezeeg an 18 Mezheven 1808; kelenner, ha barzh e brezhoneg; en eus tremenet e vuhez e Lokmikael an Traezh, ha marvet eno an 12 Genver 1869.
• Klerg, bet person Kaouenneg ha Lanvezeeg, ouzhpenn person Bulien, e-pad hir vloavezhioù.

Pennadoù kar

• Kaouenneg,
• Lanvezeeg.

Liammoù diavaez

• (fr)Lec'hienn kumun Kaouenneg-Lanvezeeg
• (br)Kaouenneg-Lanvezeeg war lec'hienn Geobreizh
• (fr)Kaouenneg-Lanvezeeg en Institut géographique national

Levrlennadur

• (fr)Régis de Saint-Jouan : Dictionnaire des communes. Département des Côtes d'Armor. Eléments d'histoire et d'archéologie. Kuzul Jeneral Aodoù an Arvor. Sant Brieg. 1990
• (fr)Bernard Tanguy : Dictionnaire des noms de communes, trèves et paroisses des Côtes d'Armor. Chasse-Marée. ar Men. 1992