Kemperven

Kemperven
Iliz katolik Sant Herve.
Anv gallek (ofisiel)	Quemperven
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Lannuon
Kanton	ar Roc'h-Derrien (betek 2015) Bear (abaoe 2015)
Kod kumun	22257
Kod post	22450
Maer Amzer gefridi	Philippe Weisse 2014-2020
Etrekumuniezh	Lannuon-Treger Kumuniezh
Bro velestradurel	Bro Treger-Goueloù
Lec'hienn web	Ti-kêr
Poblañsouriezh
Poblañs	381 ann. (2019)
Stankter	50 ann./km²
Douaroniezh
Daveennoù lec'hiañ	48° 43′ 33″ Norzh 3° 19′ 15″ Kornôg
Uhelderioù	kreiz-kêr : 60 m bihanañ 28 m — brasañ 93 m
Gorread	7,69 km²
Kemperven

Kemperven (distaget: [kɛmˈpɛrvɛn]) a zo ur gumun eus Bro-Dreger, e Breizh, e departamant Aodoù-an-Arvor.

Pannell ar Gêr

Douaroniezh

• Treuzet eo ar gumun gant ar stêr Gindi.

Kumunioù amezek

• Kaouenneg-Lanvezeeg
• Rospezh
• Lanvilin
• Langoad
• Kawan

Añv

• Régis de Saint-Jouan (1990) : Kemperven, 1330; Kamperven, 1426. Camperven, 1505; Quemperven, 1554
• Bernard Tanguy (1992) : Kemperven, 1330; Camperven, fin XIV; Kamperven, 1426; Quemperguen, 1486; Quemperven, 1554.

diwar Kember = etre daou dour + * -ven (gwenn ? diasur)

Istor

• 

  Kartenn an hentoù galian ha roman gant Alan An Diuzet. E limestra, Ar Yeoded ha Landreger. E ruz, Kemperven

XVIII^vet kantved

• Miz Gwengolo 1792 : emsavadeg a enep ar veleien touet, asamblez gant tud Rospezh, Langoad, Prad, Kawan, Tonkedeg, Mantallod, Trezeni, Kamlez. Tagadenn war Lannuon, difennet gant ar Republikaned. An emsavaderien, kouerien evit ar vrasañ, a zo lakaet war dec'h. Un den lazhet, pewar all gloazhet, ur plac'h en o mesk. Unan a zo bet kondaonet ar 26 Mezheven 1793 (ne ouzer ker da betra, pe marv pe all). Unan all a zo kondaonet d'ar verzheridigezh anvet "la gêne". (cf. Benjamin Jollivet)

XX^vet kantved

Brezelioù

Brezel-bed kentañ

• 41 gwaz a gollas o buhez abalamour d'ar brezel hervez monumant ar re varv, d.le. 6,16 % ag ar boblañs hervez an niveradeg bet graet e 1911.

Eil Brezel-bed

• Mervel a reas pevar den eus ar gumun abalamour d'ar brezel.

Trevadennoù

• Sav-Heol: ur milour a varvas e 1923.
• Brezel Indez-Sina: ur milour a varvas e 1952.
• Brezel Aljeria: ur milour a varvas e 1959.

Monumantoù ha traoù heverk

Moudenn ar Saozon

• 

  Tresadenn gant La Messelière. 1933

Iliz katolik Sant Herve

XVIvet Kantved - XVIIvet kantved Bet enrollet ar 28 Ebrel 1964 (cf R. de St Jouan)

Diavez

• 
• 

  Skalier war an tour

Diabarzh

• 

  Aoter

• 

  Aoter a dost

• 

  Ar Werc'hez gant he bugel

• 

  Kador sermon

• 

  Engoulet (bet adlakaet war an tu-gin)

• 

  Ardamez ar pab]]

• 

  Ardamez an eskob]]

Kroazioù

Ul levrig a zo bet savet diwar-benn kalvarioù ha kroazioù Kemperven gant Jean-Baptiste Lintanf ha Wolfgang Lörcher, e 2007. (e galleg)

13 skeudenn, gant tresadennoù ha muzulioù.

Skeudennoù da zont.

Emdroadur ar boblañs abaoe 1954

Niver a annezidi

Brezhoneg

• D’ar 7 a viz Gouere 2006 e oa bet votet ar garta Ya d'ar brezhoneg gant kuzul-kêr ar gumun
• Ar mikro-magouri "Ti-Choutig" he deus sinet Live 1 karta Divskouarn.

Tud

• Dom Maodez ar C'hozhaned (1666-1720) lesanvet “ar sant”, interet eno, beleg, lakaet burzhudoù war e anv

Bet ganet e Kervot e Langoad al lun 8 a viz Du 1666, ha badezet an deiz war lec'h. Kloerdi e 1699; beleg e 1693. Staget ouzh Lanvilin e 1699, ouzh Kawan Kaouenneg e 1706, Gurunhuel e 1708. En dro da Langoad e 1712, kent en em stagañ da vat ouzh Kemperven, evel prezegenner, adalek miz Here 1717. Aet da Anaon en e barez Kemperven ar 25 Gouere 1720. Kalz a birc'hirin a zo bet war e bez betek 1875. (hervez P.F-M Henry). (cf R. de St Jouan & Jean Le Grand)

• 

  Breur henañ Dom Maode en devoa c'hoant, en desped d'an testamant, hag e vefe douaret e vreur e Langoad. Asantiñ e reas bepred ma vefe e Kemperven, goude bet lennet an destenn.

• 

  Bez Maode-Reun Ar C'hozannet

Ardamezeg ar familhoù

	Michel Aotrounez ar Gozker	En argant e benn Morian en sabel, talwedek en argant

Hengoun ar vro

• 

  Kroaz feilhañs 1

• 

  Kroaz feilhañs 2

• 

  Kordennad ognon lakaet da sec'hañ

Liammoù diavaez

• (fr) Lec'hienn an ti-kêr
• (br) Kemperven war lec'hienn Geobreizh

Levrlennadur

• Benjamin Jollivet : Monographies des villes et villages de France. Côtes-du-Nord. Arrondissements de Lannion et Loudéac Volume IV. 1859. Adembannet gant Rassorts Lorisse. 2002.
• P. F.-M. HENRY : Dom Maudez-René Le Cozannet. 1924
• Régis de SAINT-JOUAN : Dictionnaire des communes du département des Côtes d'Armor. 1990.
• Bernard TANGUY : Dictionnaire des noms de communes, trèves et paroisses des Côtes-d'Armor. Chasse-Marée - Ar Men. 1992
• Jean MAGUER : Kanton ar Roc'h. Petite histoire du canton de La Roche-Derrien. Lannion. 1999.
• Jean LE GRAND : De la terre à la source. Kevredigezh Vivre à Langoat. 2002
• Jean-Baptiste LINTANF & Wolfgang LORCHER : Les calvaires de QUEMPERVEN. Neckar-Verlag. 2007