Kavan-tour

Evit sterioù all ar ger kavan, gwelit ar pennad Kavan (disheñvelout).

Ar gavan-tour^[1] (liester : kavaned-tour)^[2]^,^[3] a zo ur spesad golvaneged, Coloeus monedula an anv skiantel anezhañ.

Kavan-tour

Kudenn ebet (LC)

Rummatadur filogenetek

Riezad :

Skourrad :

Kevrennad :

Urzhad :

Kerentiad :

Genad :

Coloeus

Anv skiantel

Coloeus monedula
(Linnaeus, 1758)

D'ar vevoniezh

e tenn ar pennad-mañ.

Anvet e voe Corvus Monedula (kentanv) da gentañ-penn (e 1758)^[4] gant an naturour svedat Carl von Linné (1707-1778), diwar al latin moneta, "moneiz" abalamour ma vezont desachet gant traezoù skedus, dres evel ma vez ar piged^[5].

Doareoù pennañ

Un neizhiad Coloeus monedula

War-dro 32 cm eo ment krenn al labous. Bihanoc'h eget ar vran zu hag ar frav du eo, ha gris eo e gilpenn.
Un arliv rous zo da stuc'h ar re vihan.

E miz Ebrel ha miz Mae e sav ar c'houblad laboused o neizh gant bleñchoù en un toull en ur wezenn, ur garreg, un ti, ur siminal, pe c'hoazh e toull ul lapin. En neizh e lakaont un doublenn savet diwar c'hloan, reun ha foenn. Bras-spontus e c'hall an neizh bezañ, betek 2,40 m a led, 1.20 m a hed hag 1.20 m a sav.
Ul labous strollgar eo, alies e kaver ur c'halz neizhioù tost an eil d'egile.
En neizh e vez dozvet etre 4 ha 6 vi glaswer tarchoù rous, du ha gris warno.

Boued

Hollzebrer eo ar spesad : amprevaned, biskoul, buzhug, ed, frouezh, had, melc'hwed, ploged, tousegi, vioù ha ya gantañ.
Evel ar brini all, boas eo da guzhat boued ha traoù bihan all (skedus peurliesañ) a zedenn e selloù.

Annez hag isspesadoù

Er maezioù e vev al labous e koadoù bras hag e tevennoù. Er gourliorzhoù en e gaver ivez, koulz hag er c'hêrioù hag er c'hêriadennoù, ma plij dezhañ annezañ ar savadurioù uhel (tourioù-ikiz, befrezoùhag all), alese e anv.

██ Tiriad Coloeus monedula

Ar spesad a gaver ar pevar isspesad^[6] anezhañ :

Corvus monedula cirtensis, e hanternoz Aljeria,
C. m. monedula, e Skandinavia,
C. m. soemmerringii, eus reter ha gevred Europa da greisteiz-kreiz Siberia ha kornôg Sina,
C. m. spermologus, e kornôg ha kreisteiz Europa, gwalarn Afrika.