Keit Vimp Bev

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ.

Keit Vimp Bev (Keit ha ma vimp bev) zo anv ur gevredigezh ha ti-embann brezhonek staliet e Laz (Kerne - Penn-ar-Bed). Embann a ra levrioù evit ar yaouankiz (albomoù, romantoù, bannoù-treset) ha mareadegoù yaouankiz (Rouzig, Louarnig), Un nebeud romantoù evit an oadourien a vez embannet gantañ ivez. Embannet e vez ivez ar gazetenn sizhuniek YA!. Krouet eo bet gant an ti-embann ar genstrivadegoù Priz ar Yaouankiz ha Priz ar Vugale
Krouet eo bet e 1982 gant Yann-Fañch Jacq ha chomet eo e penn ar gevarzhe. C'hwec'h goprad a zo o labourat ennañ.

Sikouret eo an ti-embann gant Rannvro Breizh, Kuzul departamant Penn-ar-Bed hag an DRAC (Direction régionale des Affaires culturelles).

Keit Vimp Bev en deus resevet meur a briz. E 2003 o deus resevet Priz dazont ar Brezhoneg evit ar gazetenn Meuriad. Hag ar gazetenn Ya ! en deus resevet Priz France 3 e 2005.

Istor

Orin

Er penn-kentañ e oa ur strollad tud yaouank dizimez a blije dezho mont d'ar festoù-noz. Buan o deus bet c'hoant da vont pelloc'h. Kroget o deus da labourat war tachenn an ekologiezh, oc'h aozañ devezhioù dastum boutailhoù gwer, war ar maez. Mont a raent e ti an dud a c'halve anezho evit en ober. Naetaat a raent ivez stêrioù.

Aozet o deus nozvezhioù tro-dro d'ar sevenadur, betek pediñ tud evel Patrig Ewen pe François Budet. Stajoù brezhoneg, festoù-noz, stajoù moullañ skritelloù a vez kinniget ganto ivez. War dachenn ar yezh o doa aozet ur seurt levraoueg a c'helle an dud kas-degas ganto. Dizoloet eo bet ganto labour Éditions du Lombard, ha plijet-tre e oant gant o labour. Treiñ a raent neuze ar bannoù-treset gant an dorn, lagadenn ha lagadenn. Met un nozvezh eo bet laeret diganto o dastumad en e bezh.

Prederiet o deus ha komprenet e oa sot ober al labour treiñ evit ur skouerenn hepken. Soñjet o deus neuze embann da vat. C'hoant o doa ober traoù brav, a galite hag a vefe dianv d'an dud. Setu n'o deus ket bet c'hoant embann Troioù-kaer Tintin hag a oa re vrudet. Kenlabouret o deus gant Éditions du Lombard dre ma oa levrioù a seurt-se o do c'hoant embann, evit tizhout ar re yaouank ivez. Komprenet o doa ne oa ket dedennus levrioù evel levrioù Al Liamm evit ar re yaouank. C'hoant o doa da dizhout ar re o doa c'hoant ober gant ar brezhoneg evit an dudi.

Buhez kentañ

Kroget eo bet gant treiñ hag embann Yakari ha Buddy Longway, treset gant Derib, Jonathan, treset gant Cosey.

Buhez ar gevredigezh

An dud a youl-vat a ra war-dro ar gevredigezh:

Prezidantez ar gevredigezh : Charline Burnouf
Teñzorier : Yann-Fañch Jacq
Izili ar grevredigezh

Ur skipailh tud gopret a zo :

Sekretourez / kontourez : Magali Gallais
Kenurzhier / kazetenner war YA! : Gwennole Pavec
Kenurzhierez / Maketennourez war Louarnig : Camille Argouarc'h
Grafour / Kenurzhier war Rouzig : Owen Poho
Kehentiñ / maketennourez levrioù : Angelina Beauvir

Embannadurioù

Kazetennoù

Rouzig, gant an arzhig Nabar pe get (Kroget e miz Gwengolo 2001)
Louarnig (Kroget e miz Even 2000)
Meuriad (Kroget e miz Genver 2003 ha paouezet e 2007)
Ya ! (Amprouet e miz Mae-Even 2004 ha kroget e miz Mae 2004)

Levrioù evit ar vugale

War bord ar mor, gant Yann-Fañch Jacq ha Gw. Le Dors
Torret eo ar werenn, gant Yann-Fañch Jacq ha Lilyan
1, 2, 3... Toupig !, gant Anne Salaün, 2008
Louzet eo an dour !, gant Yann-Fañch Jacq ha Laurent Lefeuvre, 2008
Ostilhoù Gweltaz, gant Yann-Fañch Jacq ha Fañch ar Ruz, 2008
Kevrin Mouliki, gant ???
Troioù-kaer Lea, gant ???
Greunennig, gant ???
Troioù-kaer Rouzig, gant Christophe Babonneau
Rimadelloù al laboused, gant Gwen Delalande
Levr da livañ, gant Christophe Babonneau

Levrioù all

Rimadelloù al loened, gant Gwen Delalande
Lizherenneg al lutun glas, gant Christophe Babonneau

Romantoù

Evit ar vugale :
Gwelet Priz ar vugale

Evit ar re yaouank :
Gwelet Priz ar Yaouankiz

E doare Picasso, gant Yann-Fañch Jacq
Raket, gant Gi Bideau
Ur c'hasedig drol, gant Laurence Lavrand
War roudoù Adelaide, gant Yann-Fañch Jacq
Laeron ar menezhioù du, gant Yann-Fañch Jacq
Frederig, gant Hans-Peter Richter troet gant Daniel Kernalegenn
An urzhiataer hud, gant Garmenig Ihuellou
Heol, mor ha muntr, gant Laurence Lavrand
Troioù-kaer ar gwilhoù bras, gant Yann Bijer
Mestr an tremen, gant Yann-Fañch Jacq, 2009

Evit an dud deuet :

Ken yen hag an avel, gant Yann-Fañch Jacq
Gwrac'h ar menez, gant Yann Failler troet gant Garmenig Ihuellou
Ur galon re dener, gant Yann-Fañch Jacq
Bravoc'h e vo warc'hoazh, gant Yann-Fañch Jacq
Tomm eo bet deomp, gant Yann-Fañch Jacq
Evel ma tro an heol, gant Yann-Fañch Jacq
Liv ruz an hesk, gant Yann Gerven
A-berzh mamm-gozh, gant Yann-Fañch Jacq
Da fall ha da viken, gant Yann-Fañch Jacq

Bannoù-treset

Paotr Louarn, skrivet ha treset gant Laurent LeFeuvre (Miz Here 2014) Ar C'homics brezhonek kentañ
Yakari, gant Derib-Job :
- Yakari hag ar grizli
- Prizonidi an enezenn
- Yakari hag an ejen-moueek gwenn
- Yakari e bro ar bleizi
Blevek, gant Serge Montfort :
- Ma zri liñs
- Penn Menezh an Arzh
Buddy Longway, gant Derib :
- Levrenn 1 : Chinook
- Levrenn 2 : An Enebour
- Levrenn 3 : Tri den a zo paseet
- Levrenn 4 : Ma unanik...
- Levrenn 5 : Ar Sekred
- Levrenn 6 : An Orignal
- Levrenn 7 : Goañv ar c'hezeg
- Levrenn 8 : An Dour tan
- Levrenn 9 : An abadennoù chaseal kentañ pe Kentañ abadennoù chase
- Levrenn 10 : An Diaoul gwenn
Troioù-kaer Ifig-Loup, gant Letrio

CDoù ha DVDoù

Fiñval
Noe
Ur marmouz bihan
Karr-tan ma zad
Pablo al louarnig ruz

C'hoarioù

Skolig al louarn
Memor al laboused
Loto
Skolig al louarn
Memor Natur ha Breizh
C'hoari 7 familh ar c'horf
Tanagra
Gwezboell

Prizioù

Gant Keit Vimp Bev e vez embannet ar romantoùigoù evit Priz ar vugale ha Priz ar Yaouankiz savet dre ur genstrivadeg kinniget gant FEA.
Keit Vimp Bev en deus resevet Priz "Prizioù France 3" e 2001 hag ar gazetenn Ya ! en deus eñ resevet e 2005 (Rummad "Brezhoneger ar bloaz").

Liamm diavaez

Lec'hienn an ti-embann Keit Vimp Bev

Porched Breizh – Adkavit pennadoù ha rummadoù Wikipedia a denn da Vreizh.