Kez

Kez a zo ur gumun eus Bro Sant-Brieg, e kanton Loudieg, e departamant Aodoù-an-Arvor, e Norzh Breizh. Penn kanton e oa betek 2015.

Kez
Dismantroù kastell Kez.
Anv gallaouek	La Chaézz
Anv gallek (ofisiel)	La Chèze
Bro istorel	Bro-Sant-Brieg
Melestradurezh
Departamant	Aodoù-an-Arvor
Arondisamant	Sant-Brieg
Kanton	Kez (betek 2015) Loudieg (abaoe 2015)
Kod kumun	22039
Kod post	22210
Maer Amzer gefridi	Marie-Gwénola Hollebecq 2020-2026
Etrekumuniezh	Loudieg Kumuniezh - Kreiz Breizh
Bro velestradurel	Bro Kreiz-Breizh
Poblañsouriezh
Poblañs	572 ann. (2022)
Stankter	226 ann./km²
Douaroniezh
Daveennoù lec'hiañ	48° 07′ 56″ Norzh 2° 39′ 18″ Kornôg
Uhelderioù	kreiz-kêr : 70 m bihanañ 67 m — brasañ 141 m
Gorread	2,53 km²
Kez

Anv

• Erwan Vallerie ː La Chese, 1241; Chesia, 1250; Villa Chesie, 1267; La Cheise, 1302; La Cheze, 1386; La Chesse, La Cheze, 1396; Chescia, La Cheze, 1453; La Chesse, 1516; La Cheze, 1630; La Chaize, 1636

Gerdarzh

• Dauzat & Rostaing ː sur awalc'h casis = bodad tiez
• Bernard Tanguy ː diouzh al latin casa = ti, atant, domani, laket amañ evit ar c'hreñvlec'h.

Ardamezioù

En gul e leon kurunet en argant..

Istor

XVIIvet kantved

Beskontelezh Roc'han a zo savet da dugelezh ha pariezh Bro-C'hall evit Herri a Roc'han, dre skrid-aotren embannet e Fontainebleau e miz Ebrel 1603 (enrollet ouzh Breujoù Pariz ar 7 Eost 1603) . Kez e oa ezel eus an dugelezh ha pariezh se.

XX^vet kantved

Brezel-bed kentañ

• E 1917 e voe degemeret repuidi, 28 Gall ha 26 Belgiad, e Kez; lazhet e voe unan anezhe e Tamines e Belgia d’an 22 a viz Eost 1914, e penn- kentañ ar brezel, soudard en 2vet Rujumant Troadegiezh e oa .

Eil Brezel-bed

• Kemeret e voe 13 000 Lur en ti-post, gant dek ezel eus ar Rezistañs moarvat, d’ ar 5 a viz Even 1944, argant a voe tapet en tailhanterdi ivez gante, hervez danevell sizhuniek Titouroù Hollek Sant-Brieg.
• Fuzuilhet e voe ur rezistant yaouank eus ar gumun e Loudieg gant an Alamaned d’ar 4 a viz Gouhere 1944.

Monumantoù ha traoù heverk

• Ar c'hastell, (fortericia e 1241), dismantret.
• Kastell "La Grange" (1610).
• Iliz katolik Sant Andrev (XV^vet); hag e oa a-raok chapel Itron-Varia ar Groaz, savet da iliz ar barrez nebeut goude 1806
• Monumant ar re varv e-tal an iliz katolik, luc’hskeudenn.
• Plakennoù ar re varv (1914-1918) en iliz katolik, luc’hskeudenn.

Emdroadur ar boblañs abaoe 1962

Demografiezh

1962	1968	1975	1982	1990	1999	2006	2013
566	587	606	571	597	569	616	576
Abaoe 1962 : Poblañs hep kontoù doubl

Niver a annezidi

Tud

• Olivier de Clisson aotrou Kez adalek ar 14 Mae 1370.
• Alan VIII a Roc'han, pried Béatrix de Clisson.
• Yann II, beskont a Roc'han, kont ar Porc'hoed, bet ganet er c'hastell Kez a 16 Du 1452.

Liammoù diavaez

• (br)Kez war lec'hienn Geobreizh
• (fr)Kez en Institut géographique national

Levrlennadur

• (fr)Albert Dauzat & Charles Rostaing : Dictionnaire étymologique des noms de lieux en France. Larousse, 1963. Guénégaud, 1978
• (fr)Michel Froger & Michel Pressensé : Armorial des communes des Côtes-d'Armor & Ille-et-Vilaine. 2008
• (fr)Régis de Saint-Jouan : Dictionnaire des communes. Département des Côtes-d'Armor. Eléments d'histoire et d'archéologie. Conseil Général des Côtes d'Armor. Saint-Brieuc. 1990
• (fr)Bernard Tanguy : Dictionnaire des noms de communes, trèves et paroisses des Côtes d'Armor. Chasse-Marée. ArMen. 1992
• (br)Erwan Vallerie : Diazezoù studi istorel an anvioù-parrez. Corpus. An Here. 1995