Pañvrid-ar-Beskont

Pañvrid-ar-Beskont a zo ur gumun eus Breizh, e Bro-Dreger hag e departamant Aodoù-an-Arvor.

Pañvrid-ar-Beskont
An iliz katolik.
Anv gallek (ofisiel)	Pommerit-le-Vicomte
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Sant-Brieg
Kanton	Lannolon (betek 2015) Gwengamp (abaoe 2015)
Kod kumun	22248
Kod post	22200
Maer Amzer gefridi	Florence Le Saint 2020-2026
Etrekumuniezh	Leñv Arvor Kumuniezh
Bro velestradurel	Bro Gwengamp
Lec'hienn web	http://www.pommeritlevicomte.fr
Poblañsouriezh
Poblañs	1 830 ann. (2020)
Stankter	55 ann./km²
Douaroniezh
Daveennoù lec'hiañ	48° 37′ 12″ Norzh 3° 05′ 14″ Kornôg
Uhelderioù	bihanañ 34 m — brasañ 119 m
Gorread	33,03 km²
Pañvrid-ar-Beskont

Douaroniezh

War lez dehoù an Trev emañ Pañvrid.

Anv

Stummoù skrivet

• Bernard Tanguy ː Pumurit, 1160; Pomerit, 1294; Pomerit Vicecomitis, 1330, fin XIV^vet; Pomerit le Vicomte, 1426; Pommerit le Bescont, 1481; Pommerit le Vicompte, Pommerit le Vicomte, 1668;
• Erwan Vallerie ː Pouereut Vice Comitis, Pomerit Vice Comitis, Pemerit, Pomerit, Ponerent, 1330; Pommerit le Vicomte, 1516

Gerdarzh

• Pomerit ː diouzh gêr latin pomeratum = avalenneg; liorzh gant frouezh
• Beskont, Vicomte ː ne ouzer ket resis na pegoulz na perak

Ardamezioù

N'ez eus ket evit ar poent

Istor

XV^vet kantved

E miz Genver 1489, emgann e-kichen pont Skiñvieg etre strolladoù gall kaset gant Yann, beskont Roc'han, ha strolladoù an dugez Anna.

XVI^vet kantved

Dre emglev 1522, beskontelezh Pañvrid, en tiegezh du Chastellier abaoe 1420 da nebeutañ, a dremenn e-barzh tiegezh du Chastel.

Dre zimeziñ an 20 Mae 1571, etre Klaoda du Chastel ha Charlez Gouyon de la Moussaye, tremen a ra ul lodenn eus ar veskontelezh e tiegezh Gouyon de la Moussaye.

XVIIvet kantved

An 29 Gwengolo 1681, gwerzhet eo kontelezh Kintin ha beskontelezh Pañvrid gant Henri Gouyon, markiz de la Moussaye, da Guy-Aldonce de Durfort, kont de Lorge, marichal gall.

XX^vet kantved

Brezel-bed kentañ

• 137 gwaz a gollas o buhez abalamour d'ar brezel hervez monumant ar re varv, d.le. 5,89 % ag ar boblañs hervez an niveradeg bet graet e 1911.

Eil Brezel-bed

• Kemeret e voe 24 450 Lur en ti-post, gant pevar ezel eus ar Rezistañs moarvat, d’an 30 a viz Mae 1944, hervez danevell sizhuniek Titouroù Hollek Sant-Brieg.
• Mervel a reas tri den ag ar gumun abalamour d'ar brezel.

Trevadennoù

• Brezel Indez-Sina: mervel a reas pevar milour.
• Brezel Aljeria: mervel a reas daou soudard.

Monumantoù ha traoù heverk

An iliz katolik Itron-Varia

Adsavet goude 1914; an tour, eus 1704-1712, bet enrollet an 2 Kerzu 1926.

Chapel ar Baradoz.

Eus penn kentañ ar XVIvet kantved; bet enrollet an 31 Here 1912.

Kalvar ar Baradoz , enrollet an 10 Du 1913

Kastell Restmeur

Gant chapel Itron-Varia-a-C'hras, XVIII^vet

Emdroadur ar boblañs abaoe 1962

Niver a annezidi

Gevellet gant

Bro	Kêr	Abaoe
Iwerzhon	Sráid an Mhuilinn	1986

Brezhoneg

• D'an 13 a viz C'Hwevrer 2017 e oa bet votet ar garta Ya d'ar brezhoneg gant kuzul-kêr ar gumun.

Tud

Ardamezeg ar familhoù

	Arel, Aotrounez Restmeur	Palefarzhet etre argant ha glazur
	Auffray, Aotrounez Mesguen	Treustellet etre argant ha sabel, e leon en aour balirant
	Le Borgne Aotrounez Rumeur	En argant e gab dentek en gul

Liammoù diavaez

• (br) Pañvrid-ar-Beskont war lec'hienn Geobreizh
• (fr) Pañvrid war lec'hienn an etrekumuniezh
• (fr) Glad Pañvrid (Ministrerezh gall ar sevenadur)
• Bagad Pañvrid

Levrlennadur

• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Régis de Saint-Jouan : Dictionnaire des communes. Département des Côtes-d'Armor. Eléments d'histoire et d'archéologie. Conseil Général des Côtes d'Armor. Saint-Brieuc. 1990
• Bernard Tanguy : Dictionnaire des noms de communes, trèves et paroisses des Côtes d'Armor. Chasse-Marée. ArMen. 1992
• Erwan Vallerie : Diazezoù studi istorel an anvioù-parrez. Corpus. An Here. 1995