Plonevez-Porzhe

Plonevez-Porzhe a zo ur gumun eus Bro C'hlazig e kanton Kraozon, e departamant Penn-ar-Bed, e kornôg Breizh.

Plonevez-Porzhe
Chapel Santez Anna ar Palud.
Anv gallek (ofisiel)	Plonévez-Porzay
Bro istorel	Kernev
Melestradurezh
Departamant	Penn-ar-Bed
Arondisamant	Kastellin
Kanton	Kastellin (betek 2015) Kraozon (abaoe 2015)
Kod kumun	29176
Kod post	29550
Maer Amzer gefridi	Paul Divanac'h 2008-2026
Etrekumuniezh	Kumuniezh kumunioù Pleiben-Kastellin-Porzhe
Bro velestradurel	Bro Gerne
Lec'hienn web	Ti-kêr
Poblañsouriezh
Poblañs	1 787 ann. (2020)
Stankter	61 ann./km²
Douaroniezh
Daveennoù lec'hiañ	48° 07′ 30″ Norzh 4° 13′ 12″ Kornôg
Uhelderioù	kreiz-kêr : 90 m bihanañ 0 m — brasañ m
Gorread	29,23 km²
Plonevez-Porzhe

Douaroniezh

• Er Porzhe emañ Plonevez.

Orin an anv

Dont a ra anv ar gêr eus Plouev a voe staget nevez outañ. Da zisheñvelout ar barrez eus ar Plounevezioù arall e voe ouzhpenn Porzhe, anv ar vroig e-lec'h m'emañ (ul liester kozh eus ar ger porzh ez eo).

Ger-stur ar gumun

"Kalonek ha kreñv"

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol.
• D'ar 25 a viz Du 2019 e oa bet votet emezelañ d'ar garta Ya d'ar brezhoneg gant kuzul-kêr ar gumun.

Istor

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant ar person, Le Maître e anv, ha Le Bot, kure.

XX^vet kantved

Brezel-bed kentañ

• Mervel a reas 100 gwaz eus ar gumun abalamour d'ar brezel, eleze 3,15% ag ar boblañs hervez an niveradeg bet graet e 1911.

Eil brezel-bed

• Mervel a reas eizh den ag ar gumun abalamour d'ar brezel.
• Harzet e voe dek den eus ar gumun gant an Alamaned d’an 30 a viz Even 1944, kaset e voent d’ar c’hampoù-bac’h en Alamagn, pevar anezhe a varvas du-hont.
• D'ar 5 a viz Eost 1944 e kouezhas un nijerez Lancaster III anvet "Dark Victor", marilhet JB139 ha kodet KC-V eus ar 617th Squadron eus ar Royal Air Force e pleg-mor Santez-Anna-ar-Palud; lazhet e voe tri nijour, douaret int e bered Douarnenez; unan all a voe tapet d'an Alamaned hag an tri all a zeuas a-benn da achap.

Brezelioù didrevadennañ

Brezel Indez-Sina

• Lazhet e voe daou vilour eus ar gumun en Tonkin er Viêtnam.

Brezel Aljeria

• Mervel a reas daou vilour eus ar gumun.

Monumantoù

• Iliz sant Vilio (XIX^vet).
• Santez-Anna ar Palud (XIX^vet).
• Intron-Varia ar Sklaerded (XVII^vet).
• Maner Moëllien (XVII^vet).
• Maen-sonn Jean-Marie Le Bris.
• Monumant ar re varv e-tal an iliz katolik, luc’hskeudenn ha kartenn-bost.
• Kalvar ar re varv (1914-1918).

Poblañsouriezh

Emdroadur ar boblañs

1962	1968	1975	1982	1990	1999	2007	2012	2013
1620	1527	1533	1643	1663	1582	1666	1794	1795
Niver kemeret adalek 1968 : Poblañs hep kontoù doubl

Niver a annezidi

Melestradurezh

Roll ar vaered
Mare		Anv	Strollad	Karg
2001	2008	Yves Le Gac
Meurzh 2008	→ bremañ	Paul Divanac'h
N'eo ket anavezet c'hoazh an holl fedoù.

Tud

Tud bet ganet eno

• 1740: Claude Le Coz, eskob Roazhon e 1791 hervez al lezenn evit keodediñ ar gloer.
• 1901: Marie-Anne Le Minor, diazezourez an ti giz vreizhat "Le Minor".
• 1915: Per-Mari Mevel, skrivagner brezhonek ha saver kanaouennoù.

Gevelliñ

Castellnewydd Emlyn (Kembre) abaoe 1994

Liammoù diavaez

• (fr) Lec'hienn ofisiel
• (br) Plonevez-Porzhe war lec'hienn Geobreizh