Alan Raude
Alan Joseph Raude (1923 – 2017), Ron Peniarth e anv-pluenn, a oa ur yezhoniour, un istorour hag ur sentvuhezoniour a-orin eus Enez Groe a skrivas levrioù gallek a-zivout orin douaroniel Bretoned an Arvorig hag istor ar brezhoneg ; an doare da skrivañ ar gallaoueg en devoa studiet ivez.
| Reizh pe jener | paotr  |
|---|---|
| Bro ar geodedouriezh | Frañs |
| Anv ganedigezh | Alain Joseph Gaston Raude |
| Anv-bihan | Alan |
| Anv-familh | Raude |
| Deiziad ganedigezh | 10 Mez 1923 |
| Lec'h ganedigezh | Courbevoie |
| Deiziad ar marv | 10 Meu 2017 |
| Lec'h ar marv | Brest |
| Yezhoù komzet pe skrivet | galleg, brezhoneg |
| Micher | yezhoniour |
E Courbevoie (Hauts-de-Seine) e oa bet ganet e 1923. Adalek 1939 e studias ar skiantoù istorel ha lizheregourel en École Pratique des Hautes Études er Sorbonne, ma voe dedennet-bras gant ar yezhoù keltiek (brezhoneg, kembraeg hag iwerzhoneg). E-tro 1942-43 ez emezelas e bodad folklorourien ar Musée des Arts et Traditions Populaires ma laboure Reun Kreston ha Jef ar Penven dija.
E 1945, oadet 32 vloaz eta, e voe en Alamagn evel serjant-jubennour er Welsh Guards ("Gwarded Kembreat"), unan eus pemp rejimant troadeien ar Royal Foot Guards er British Army. Bloaz goude e voe degemeret e Skol-veur Bonn evit heuliañ kentelioù yezhoniezh keltiek, germanek ha romanek. E 1948 e voe troer teknikel e Kreizenn deknikel an ardivinkelezh c'hounezel e Pariz, a-raok labourat e Kreizenn teulierezh ijinerezh an houarn adalek 1950 betek 1953, ar bloaz ma voe gopret gant ar gompagnunezh Industrial Business Machines Corporation (IBM). E 1961 e voe rener er c'hontoù e Kevelouri al labourerien-douar e Landerne.
Relijion kemmañ
E 1953 ivez e kemeras perzh e Goursez Vreizh, met dizemglev ha skism a voe. E 1980 e tistroas d'ar Goursez evit daskor d'an Drouiz Meur ar banniel ha kleze-meur Arzhur, a oa bet en e gerzh e-pad 27 vloaz. Da get ez eas ar skism neuze, roue barzh a voe renk A. Raude er Goursez, met biskoazh ne gemeras perzh e lid pe lid. Kadoriad Kelc’h Studi Drouized an Hengoun e diabarzh ar Goursez e voe ivez.
Tost d'an Iliz Ortodoks Keltiek e chomas avat, ha kalz amzer a ouestlas da glask gwrizioù hag istor sent Breizh.
Yezhoù Breiz kemmañ
Aozer ar pennadoù Bretagne romane e kelaouenn ar c'hengevread Kendalc'h e voe Alan Raude, koulz hag ezel eus Ar Falz ha Skol Vreizh.
War skritur etrerannyezhel ar brezhoneg e labouras ivez, ha war ar geriaouiñ e bodad TermBret OPAB.
Gantañ e voe ijinet doare-skrivañ nevez ar gallaoueg, anvet Écrire Le Gallo (ELG).
Labourioù kemmañ
Abaoe 2011 ha betek e varv e 2017 e embanne Alan Raude disoc'hoù e enklaskoù war lies tachenn er gelaouenn Ar Gedour[1].
- Istor
- L'origine géographique des Bretons armoricains, Dalc'homp Soñj, 1996 (ISBN 978-2-905929-10-5)
- La Naissance des nations brittoniques – de 367 à 410, Label LN, 2009 (ISBN 978-2-915915-25-9)
- Petite Histoire linguistique de la Bretagne, Maézoe-Heziviken, 2001 (ISBN 978-2-2951744-26-4)
- Gallaoueg
- Écrire le gallo – Précis d'orthographe britto-romane, La Nation Bretonne, 1978 — Adembannet gant Maézoe-Heziviken, 2003
- Liste des communes de Loire-Atlantique, Maézoe-Heziviken, 2003