Seisyllwg

Ur rouantelezh e mervent Bro-Gembre a oa Seisyllwg. Krouet e oa bet gant ar roue Seissyll, un diskennad eus Usai, mab roue Ceredig Ceredigion. Roue Ceredigion e oa e-pad ar VI^vet kantved. Aloubiñ a reas Dyfed hag a-benn stagañ Ystrad Tywi e teuas.

Seisyllwg
← 680 – 920 →
Location of Rouantelezh Seisyllwg Rouantelezhioù ar Grennamzer e Kembre
Kêr-benn	Dianav
Yezh(où)	Kembraeg
Gouarnamant	Monarkiezh
'	Krennamzer
- Krouidigezh	680
- Krouidigezh Deheubarth	920

Seisyllwg e oa anvet rouantelezh unvanet Ceredigion hag Ystrad Tywi en e enor. War-dro 800 e stagas outi rouantelezhioù Builth ha Gwerthrynion ha da rouantelezh pennañ Kembre ez eas. Dieub a chomas ar rouantelezh betek 872 pa veuzas e roue diwezhañ Gwgan ap Meurig. Tremen a reas ar rouantelezh da Angharad ferch Meurig ha, drezi, d'he breur Rhodri Mawr a roas anezhi d'e vab Cadell ap Rhodri. Goude-se e voe renet Seisyllwg gant ur skourr eus tiegezh roueel Gwynedd evel un isrouantelezh.

Tud brudet ganet e Seisyllwg

• Priñs Sande Seisyllwg
• Sant Dewi
• Sant Cungar Kongresburi

Listenn roueed Seisyllwg (disklaer eo an amzeriad)

Tiegezh Seisyll

• Arthwyr ap Seisyll (700 - 735)
• Dyfnwal ap Arthwyr (735 - 770)
• Meurig ap Dyfnwal (770 - 807)
• Arthen ? 807 (Annales Cambriae).
• Gwgan ap Meurig (808 - 872)
• Angharad ferch Meurig (g.810) c'hoar Rhodri Mawr, Roue Gwynedd ha Powys

Tiegezh Gwynedd

• Cadell ap Rhodri (872 - 909)
• Clydog ap Cadell (909 - 920)
• Hywel Dda (920 - 950)

Unvaniezh gant Dyfed

E 920 kantved e voe unvanet Seisyllwg ha Dyfed gant Hywell Dda da grouiñ Deheubarth

Daveoù

• Davies, John, "A History of Wales" (Originally: Hanes Cymru), Penguin Books, 2007, ISBN 978014028475

Keltia

Asturies • Bro-Skos • Breizh • Enez-Vanav • Galiza • Iwerzhon • Kembre • Kernev-Veur
Gwelout ivez : Ar Gelted • Ogham • Yezhoù keltiek • Rouantelezhioù brezhon • Enez Vreizh • Galia