Sturmgewehr 44
Ar Sturmgewehr 44 pe StG 44, da lavaret "Fuzuilh-arsailh 44", a zo ur fuzuilh-arsailh bet sevenet ha produet gant an Trede Reich e-kerzh an Eil brezel-bed adalek ar bloavezh 1944. Gwelet e vez evel ar fuzuilh-arsailh vodern kentañ. Kambret eo e 7,92 × 33 mm Kurz. Anvet e vez a-wechoù gant e anv kentañ, MP 43 (diwar Maschinenpistole, pistolenn-vindrailher, hag ar bloavezh 1943), pe MP 44, abalamour ma oa bet lakaet e servij er bloavezh 1944.
| Iskevrennad eus | fuzuilh-arsailh  |
|---|---|
| Deiziad krouiñ | 1942 |
| Anv er yezh a orin | Sturmgewehr 44 |
| Bro orin | Trede Reich |
| Manufacturer | C. G. Haenel, Steyr-Daimler-Puch, Sauer & Sohn |
| Munision | 7.92×33mm Kurz |
| Treset gant | Hugo Schmeisser |
| Lakaet er servij | 1942 |
Istor kemmañ
Goude aloubadeg an URSS e 1941 en em gavas ar Wehrmacht paket e emgannoù-kêr evel hini Stalingrad. Kompren a reas an alamanted e oa ret dezho sevel armoù-skoaz efedusoc'h en endro-mañ evit o c'harabinennoù Mauser 98k. Ijinet e voe neuze ar munision 7,92 x 19 mm Kurz, a oa skañvoc'h evit reoù 7,92 x 57 mm ar Mauser met galloudusoc'h evit an 9 mm Parabellum implijet er pistolennoù-mindrailher MP 40.
Ijinet e voe an StG 44 gant an embregerezh C. G. Haenel Waffen und Fahrradfabrik e 1943, dindan an anv MP 43 da gentañ. Er bloaz war-lerc'h e voe roet lañs d'ar produiñ goude asant ar galloud nazi ha roet ar skouerennoù kentañ d'ar soudarded en hañv 1944. Servijout a reas un tamm an StG 44 e emgannoù Normandie hag Italia, ha kalz muioc'h e emgann an Arden e miz Kerzu 1944 ha miz Genver 1945, e-lec'h ma tiskouezas perzhioù mat met ivez perzhioù fall : pouez uhel (5,2 kg karget), lamm vresk, kanol o tommañ buan hag arm-skoaz diaes da implijout en e c'hourvez abalamour d'e garger hir.
Tro 500.000 skouerenn eus an StG 44 a voe produet betek deroù 1945. War-dro 200.000 anezho ne voent biken implijet gant an Trede Reich.
Goude ar brezel kemmañ
Komiserdi poblel armañ an URSS, nec'het o welet an Trede Reich o kaout kement a lañs war dachenn an armoù modern gant an StG44, a roas lañs d'ar 15 a viz Gouere 1943 d'ur genstrivadeg a-benn sevel ur arm soviedel a c'hellfe talañ ouzh an StG 44. Gantañ e voe awenet an ijinour Mic'hail Kalachnikov pa savas an AK-47.
Skouerennoù eus an StG 44 a voe implijet gant an Arme ruz ur wech dinazifiet, da lavaret eo tennet an holl arouezioù nazi diwarne.
Tro-dro d'ar Sturmgewehr 44 kemmañ
An StG 44 a c'haller implijout e meur a c'hoari video : Battlefield 1942,Brothers in Arms, Brothers in Arms: Road to Hill 30, er rummad Call of Duty hag e c'hoarioù an heuliad Wolfenstein da skouer.
-
Un StG44 etre daouarn ur jaked -
Ur soudard saoz gantañ ar Zielgerät 1229, ar c'hentañ lunedenn evit gwelet en noz -
Un troadeg eus an Trede Reich gant ur Sturmgewehr 44 hag ul lunedenn
