12 Trevadenn

An 12 Trevadenn annezet gant an dud (saozneg : 12/Twelve Colonies of Man), anvet a-wechoù Daouzek trevadenn Kobol, zo trevadennoù ijinet e planedennoù all ha lakaet da ziazez sevenadur mab-den er stirad skinwel Battlestar Galactica, kement evit ar stirad diazez pe evit an an heuliad nevez troet er bloavezh 2003, hag ar stiradoù deveret : Caprica (2009) ha Blood and Chrome (2012). Diwar anv azonoù ar zodiak eo bet badezet an daouzek planedenn.

Twelve Colonies of Man Daouzek Trevadenn Mab-Den
Lec'hiadur 12 Trevadenn
Kêr-benn	Caprica
Yezh(où) ofisiel
Gouarnamant	Republik Kevreadel
- Prezidant kevreadel	Richard Adar † Laura Roslin Gaius Baltar Tom Zarek † Laura Roslin Lee Adama Romo Lampkin
- Kañseller kevreadel	Gaius Baltar Tom Zarek Laura Roslin
Gorread
- Hollad	km²
Poblañs
- Stankter	/km²
Moneiz	Cubit ([[ISO 4217|]])
Gwerzhid-eur	(UTC)
Kod kenrouedad

An Daouzek Trevadenn a zo bet savet gant meuriadoù o devoa kuitaet ar blanedenn Kobol, lec'h ganedigezh Mab-den, hervez an istor. E-penn kentañ e oa 13 meuriad met unan anezho a guitaas ar re all evit mont da vevañ war ur blanedenn pelloc'h anvet Douar. 50 miliard annezidi zo en 12 Trevadenn er stirad adsavet. Er stirad diazez kement hag er stirad adsavet ez eo diouennet an 12 Trevadenn goude un dagadenn kaset da benn gant ar Cyloned. Aet eo da anaon an darn vrasañ eus an annezidi e-pad an darvoud-se. Un nebeud miliadoù a dud a zo deuet a-benn da dec'het hag a loc'h kuit etrezek an egor oc'h implijout listri-egor a bep seurt. Eus ar flodad listri-brezel trevadennel ne chom nemet unan, ar Battlestar Galactica, ur pezh-mell lestr brezel ha dezougen en egor. Dindan urzhioù ar c'habiten William Adama, al lestr brezel Galactica a glask adkavout an dud chomet bev gant harp bleinerien an nijerezioù brezel Viper ha kas anezho er goudor en 13vet trevadenn vojennel anvet "Douar". Meizad an daouzek meuriad a zeu eus daouzek meuriad Israel met galloud a reer soñjal ivez en 13 trevadenn e deroù Stadoù-Unanet Amerika.

Er stirad nevez e 2003 ez eus kaoz eus ur C'hentañ Brezel Cylon 40 vloaz a-raok an holokaost.

Politikerezh

N'eo ket diskleriet resis munudoù aozadur politikel an 12 Trevadenn met un nebeud titouroù zo roet memestra.

"Trevadennoù Unvan Kobol" eo anv ar Stad, memes ma vez implijet ral a-walc'h. Ar gouarnamant a zo diazezet war mennad lezenn an Trevadenniñ.

Gouarnamant

E-penn arStad e kaver ur prezidant hag e c'houarnamant, ministred anezhe. Pa varv ar prezidant ez eus un urzh susit. Da skouer pa varvas an holl c'houarnamant e-pad tagadenn ar Cyloned e oa fiziet ar garg e Laura Roslin, bessekretourezh an deskadurezh ha 43vet den en urzh susit.

Quorum an Daouzek a vez graet eus ur c'huzul Daouzek a dud a vez tro-dro d'ar prezidant. Pep hini anezho a zo bet dilennet hag a zo a orin eus ur blanedenn resis en Trevadennoù. Un doare sened eo hag a ziwall ma vefe doujet ouzh mennad an trevadennoù met dreist-holl da gwirioù disheñvel pep trevadenn. Ar re-se an hini a oa e karg ivez a-raok an holokaust da zivizout piv a vefe prezidant pe besprezidant. Tu a oa dezho en em lakaat war ar renk evit kemer kargoù uhel met goude bezañ roet o zilez eus ar C'horum. Un doare sened a voe a-raok diskar an trevadennoù met dianav e chom e roll kement hag an niver a izili a oa ennañ.

Evit ar Stad da vezañ ur sistem politikel kevredadel, e-teu da vezañ tost d'un diktatouriezh milourel en amzer brezel. Goude diskar an trevadennoù hag an dec'hadeg ez eo luziet an doare da ren, etre diktatouriezh milourel ha demokratelezh frank.

Justis

Dieub eo ar Justis diouzh ar gouarnamant trevadennel. Caprica a zo ar blanedenn mammenn da darn an dud a vicher er justis. E-pad ar brezel kentañ a-enep ar Cyloned e voe lakaet e-plas an urzh brezeleg a flastras dishualded ar justis dindan galloud al lu Trevadennel. Goude diskar an trevadennoù e voe adlakaet an urzh brezeleg ha lamet darn eus galloudoù ar Justis., aesaet e voe an obererezh dre ma oa marvet darn tud a-vicher en dagadenn.

N'eus ket eus ar gastiz a varv a-raok diskar an trevadennoù, ar gastiz uhelañ e oa toull-bac'h peurbadus. Goude diskar an trevadennoù e vez kaset ar c'hastiz a varv da benn o fuzuilhañ an den kablus, pe ouzh e deurel en egor. Laura Roslin eo a c'houlennas ar gastiz-se evit an drubarderien. Gaius Baltar koulz ha Tom Zarek a gendalc'ho d'ober gant ar gastiz-se pa vint prezidant.

An arme eo a ra war-dro ar gastiz a varv, ha kaset e vez da benn gant Marines ar surentez war al listri-egor. Tabut a zo a-hed ar stirad skinwel evit gouzout daoust hag eñ eo ar gwellañ doare da gastizañ an dud, dreist-holl pa z'eo ken izel an niver a dud chomet bev.

Relijion

N'eo ket rannet ar galloudoù etre ar relijion hag ar bed politikel. Relijius-tre ez eo bed Battlestar Galactica. Ur c'huzul uhel eus ar relijion a zo hag a ro alioù d'ar gouarnamant trevadennel. Dre ar stirad e weler ez eo kreñv-tre levezon ar veleien dre ma'z int selaouet mat gant pobloù an Daouzek Trevadenn.

Zodiak	Steredeg	Stirad 1978	Stirad 2004
		Anv	Anv	Banniel	Kêrbenn	Poblañs	Skipailhoù Piramidenn	Doue patrom	Lesanv
	Ar Skuilher-dour	Aquarius	Aquaria Aquarion		Kêrbenn nann-ofisiel, Heim	25 000	Netra	Hermes	Trevadenn ar Skorn The Ice Colony
	An Tourz	Tourz	Aerilon		Gaoth	1,2 miliard	Aerilon Threshers (Gaoth) Promethea Golden Horns	Demeter	Panerad Boued an Trevadennoù The Food Basket of the Colonies
	Ar C'hrank	Orion	Canceron		Hades	6,7 miliard	Canceron Hydras Hades Vice Mangala Krill	Hefaistos	An Demokratelezh Vrasañ The Largest Democracy
	Ar C'havr	Caprica	Caprica		Caprica City	4,9 miliard	Caprica Buccaneers Delphi Legion	Apollon	Kêr-benn an Trevadennoù The Capital of the Colonies
	Ar C'hevelled	Gemoni	Gemenon		Oranu	2,8 miliard	Gemenon Twins Illumini Vipers	Hera	An Drevadenn Gentañ The First Colony
	Al Leon	Leonis	Leonis		Luminere	2,6 miliard	Leonis Wildcats Hedon Suns	Artemis	Kalon an Trevadennoù The Heart of the Colonies
	Ar Balañsoù	Libris	Libran		Nann ofisiel, Themis	2,1 milion	Netra	Athena	Trevadenn ar Justis The Colony of Justice
	Ar Pesked	Piscera	Picon		Queenstown	1,4 miliard	Picon Panthers	Poseidon	Trevadenn ar Meurvor The Ocean Colony
	Ar Saezhataer	Sagitara	Sagittaron		Tawa	1,7 miliard	Sagittaron Archers	Zeus	An Drevadenn Digenvez The Lone Colony
	Ar C'hrug	Scorpion	Scorpia		Celeste	450 milion	Celeste Storms Celeste Lightning Scorpia Stingers Argentum Bay Silverstars	Dionysos	Tachenn-c'hoari an Trevadennoù The Playground of the Colonies
	An Tarv	Taura	Tauron		Hypatia	2,5 miliard	Tauron Bulls Olympia Stallions	Ares	An Hendrevadenn The Old Colony
	Ar Werc'hez	Virgon	Virgon		Boskirk	4,3 miliard	Boskirk All Reds Virgon United (Blaustad)	Hestia	Virgon Impalaeriel Imperial Virgon