Geun

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

. Gerioù all a zo evit ar c'heun, ar wern, sell ivez ouzh gwern (disheñvelout) ha palud evit an takadoù gleborek war an aod. E Kerne-Uhel e kaver ar stumm rannyezhel "yeun", ha gun (ar C'hun) en Eusa. Kanolioù ha sanioù a vez kleuziet e-kreiz geunioù zo evit kontrolliñ live an doureier hag aesaat ar gounezerezh.

Ar geun da stumm douarel

Un ec'honenn douaroù ma'z eus doureier warni e-kreiz ur struzh dourglasker eo ar c'heun. Kavet e vez geunioù e lec'hioù izelañ pa ne c'hell ket dour an dourredennoù redek fonnus. El lodenn vrasañ eus an takad gleborek-se e vez un niver bras a vevien o vevañ; darn anezho a zo boued evit al loened a zo preizherien dezho. En dour e weler amprevaned bihan ha bras, buzhug, pesked, bezhin, tammoù plant kouezhet. Kement-se a ra un endro binvidik hag a ro bod da loened neuñv, nij pe red.

Ar geunioù brasañ er bed

Afrika

• Geun Bangweulu, Zambia
• Geun an Okavango, Botswana
• Geunioù kammdroenn an Niger, Mali
• Delta an Niger, Nigeria
• Sudd, Soudan ar Su

Azia

• Geun Asmat, Indonezia
• Geunioù Iraq
• Geun Vasyugan, Rusia

Norzhamerika

• Lenn Caddo, Stadoù-Unanet
• Great Black Swamp, Stadoù-Unanet
• Geun ar Great Dismal, Stadoù-Unanet
• Geun Okefenokee, Georgia, Stadoù-Unanet
• Lenn Reelfoot, SUA
• Big Cypress National Preserve, Florida, Stadoù-Unanet
• Limberlost, Indiana, Stadoù-Unanet
• Geun an Honey Island Swamp, Louiziana, Stadoù-Unanet

Europa

• Camarga, un takad gleborek e Provañs
• Geun Sant-Omer
• Geunioù Breizh
• Geunioù Poatev
• Geunioù ar Vrier
• Paludoù Dol
• Paludoù Gwennrann
• Yeun Elez

Suamerika

• Delta an Orinoco
• Pantanal, Brazil

Ar geunioù hag ar c'hredennoù

E meur a sevenadur gozh e veze kredet e oa ar geunioù al lec'h ma veze un tremen etre gorre an douar hag ar bed a-zindan. En Henamzer e oa ur brofedez, ar Sibilla, a zibune he c'homzoù kevrinus e-kreiz geun Cumae, tost da Naplez e kreiz Italia.
Krediñ a rae ar Gelted kozh e oa dor an ifern e kreiz ar geunioù ma'z eus kalz anezho en o broioù gleborek. Anatol ar Braz en deus kontet div wech penaos e veze fiziet da veleien 'zo kas ar chas gant speredoù an diaoul enno da c'heun an Elez (Ar Yeun Elez). Sellet ouzh "Mojenn ar Marv hervez ar Brezhoned Arvorig".

Gwelout ivez

• Gwern (lec'hanvadurezh)
• Palud sall